گوجرہ ( باغی ٹی وی،نامہ نگار عبد الرحمن جٹ) چک نمبر 357 ج ب میں ایک دل دہلا دینے والا واقعہ پیش آیا ہے جہاں ایک اوباش نوجوان نے اسلحہ کے زور پر ایک محنت کش کی دو کم عمر بچیوں سے زیادتی کی ہے۔
متاثرہ لڑکیوں کے والد محمد شہباز نے تھانہ صدر میں شکایت درج کراتے ہوئے بتایا کہ ان کی اہلیہ کا انتقال ہو چکا ہے اور وہ تین بیٹیوں کو تنہا پال رہے ہیں۔ ان کی بڑی بیٹی 14 سال کی ہے، دوسری 10 سال کی ہے اور تیسری 8 سال کی ہے۔ جب وہ روزگار کی تلاش میں گھر سے باہر ہوتے ہیں تو ان کی بیٹیاں گھر پر اکیلی ہوتی ہیں۔
محمد شہباز کے مطابق گاؤں کا ایک اوباش نوجوان بشارت علی عرف بگا گزشتہ دو ماں سے ان کی بڑی بیٹی کو دھمکیاں دے کر اس سے زیادتی کرتا رہا ہے۔ نوجوان نے دھمکی دی تھی کہ اگر کسی کو بتایا تو اسے جان سے مار دے گا۔ گزشتہ روز بھی نوجوان ان کے گھر آیا اور 14 سالہ اور 8 سالہ دونوں بیٹیوں سے زیادتی کی۔
متاثرہ لڑکیوں نے اپنی والد کو ساری بات بتائی جس کے بعد وہ اپنی بیٹیوں کو لے کر تھانہ صدر پہنچے۔ پولیس نے مقدمہ درج کرکے ملزم کی گرفتاری کے لیے چھاپے مارنے شروع کر دیے ہیں لیکن ابھی تک کوئی گرفتاری عمل میں نہیں آئی۔
