گوجرہ: ٹریکٹر ڈرائیور گنا لوڈ ٹرالی کے حادثے میں جاں بحق

گوجرہ(باغی ٹی وی،نامہ نگارعبدالرحمن جٹ) ٹریکٹر ڈرائیور گنا لوڈ ٹرالی کے حادثے میں جاں بحق

تفصیل کے مطابق چک نمبر 46 گ ب سمندری کے رہائشی سلطان مسیح، جو گنا لوڈ کرکے کمالیہ شوگر مل کی طرف جا رہے تھے، افسوسناک حادثے کا شکار ہو گئے۔ سمندری روڈ پر چک نمبر 367 ج ب سٹاپ کے قریب پیچھے سے آنے والے مزدا نمبر 1563 FDS کے نامعلوم ڈرائیور نے ٹرالی کو ٹکر ماری، جس کے باعث ٹریکٹر ٹرالی بے قابو ہو کر 10 فٹ گہرائی میں جا گری۔

حادثے میں سلطان مسیح ٹریکٹر ٹرالی کے نیچے دب گئے۔ ریسکیو 1122 اور مقامی لوگوں نے کافی کوششوں کے بعد انہیں نکالا اور فوری طور پر گورنمنٹ آئی کام جنرل ہسپتال گوجرہ منتقل کیا۔ تاہم سلطان مسیح راستے میں ہی زخموں کی تاب نہ لاتے ہوئے جاں بحق ہو گئے۔

حادثے کے بعد مقامی پولیس نے واقعے کی تحقیقات کا آغاز کر دیا ہے، جبکہ نامعلوم مزدا ڈرائیور کی تلاش جاری