گوجرہ:گیس کی بدترین بندش پر پیرمحل کی عوام سراپا احتجاج

گو جرہ ، باغی ٹی وی(نامہ نگار چوہدری عبدالرحمان جٹ ) گیس کی بدترین بندش پر پیرمحل کی عوام سراپا احتجاج
تفصیلات کے مطابق پیرمحل خاص طور پر غلہ منڈی اور گردونواح میں گیس کی بدترین بندش لوڈشیڈنگ جاری ہے چوبیس گھنٹوں کی گیس کی لوڈشیڈنگ نے عوام کو شدید مشکلات میں دھکیل دیا کوئی ٹائم ٹیبل نہیں علاقہ کے لوگوں کا جائز مطالبہ ہے کہ انکو ٹائم ٹیبل دے دیا جائے تاکہ وہ لوگ اپنے گھر کااس کے مطابق ٹائم ٹیبل بنا سکیں

لوڈشیڈنگ سے بچے بڑے سب بھوکے پیٹ سکول و آفس جانے پر مجبور ساراسارادن گیس کی بندش نے عوام کا جینا محال کردیا غربت سے ستائی عوام پہلے ہی مہنگائی کی چکی میں پس رہی ہے اشیاء خوردونوش کی قیمتیں آسمان سے باتیں کررہی ہیں اوپر سے گیس کی بندش نے عوام سے دو وقت کی روٹی بھی چھین لی گئی ہے-

عوام نے اعلیٰ حکام سے اپیل کی ہے کہ براۓ مہربانی کم ازکم بچوں کے سکول جانے کے ٹائم گیس کی لوڈشیڈنگ نا کی جاۓ جب عوام سے گیس کے بل وصول کئیے جاتے ہیں تو پھر گیس کی لوڈشیڈنگ کیوں کی جاتی ہے کھانا بنانے کے وقت گیس کی بدترین بندش ناقابل قبول ہے

پیرمحل غلہ منڈی و گردونواح کی عوام سراپا احتجاج ہے عوام کا اعلی حکام سے مطالبہ ہے کہ گیس کی بدترین لوڈشیڈنگ بندکی جاۓ ورنہ ہم احتجاج کرنے پر مجبور ہو جائیں گے جس کی تمام ذمہ داری انتظامیہ پر ہوگی اور ڈی سی ٹوبہ ٹیک سنگ سے بھرپور مطالبہ کرتے ہیں کہ اس کا فوری طور پر نوٹس لیں اور گیس کا ٹائم ٹیبل دیں