گوجرہ (نامہ نگارعبدالرحمن جٹ) تھانہ سٹی گوجرہ کے نواحی گاؤں چک نمبر 298 ج ب میں گھریلو تنازعے پر نوجوان شہزاد علی ولد احمد علی نے دلبرداشتہ ہو کر زہریلی گولیاں کھا لیں۔ زہر کے اثرات کے باعث ان کی حالت تشویشناک ہو گئی، جس کے بعد انہیں فوری طور پر گورنمنٹ اے آئی کام جنرل ہسپتال گوجرہ منتقل کیا گیا۔
ابتدائی طبی امداد کے بعد شہزاد علی کو الائیڈ ہسپتال فیصل آباد ریفر کر دیا گیا، جہاں ان کی حالت نازک بتائی جا رہی ہے۔ واقعے کی اطلاع ملنے پر مقامی پولیس نے تفتیش شروع کر دی ہے اور واقعے کی وجوہات جاننے کی کوشش کی جا رہی ہے۔
گھریلو تنازعات کے بڑھتے ہوئے واقعات پر شہریوں نے افسوس کا اظہار کیا ہے اور مسائل کے حل کے لیے بہتر رویوں کی ضرورت پر زور دیا ہے۔
