گوجرہ (نامہ نگار ، عبد الرحمن جٹ) گوجرہ ٹوبہ ٹیک سنگھ روڈ پر المناک حادثے میں دو نوجوان جاں بحق ہوگئے۔ حادثہ مریم فلنگ اسٹیشن کے قریب پیش آیا، جہاں تیز رفتار منٹھار بس (BSC-688) نے مخالف سمت سے آنے والی موٹر سائیکل (TSM-6291) کو ٹکر مار دی۔
موٹر سائیکل پر 327 ج ب بھیلر کے رہائشی ماجد علی ولد بابو خان اور برہان ولد نذیر سوار تھے جو ٹوبہ سے گوجرہ آ رہے تھے۔ دونوں نوجوان موقع پر ہی دم توڑ گئے۔
ریسکیو 1122 نے جاں بحق افراد کی لاشیں سول ہسپتال گوجرہ منتقل کر دی ہیں۔ حادثے کے بعد بس ڈرائیور موقع سے فرار ہوگیا، جبکہ پولیس نے جائے وقوعہ پر پہنچ کر قانونی کارروائی شروع کر دی ہے اور ڈرائیور کی تلاش جاری ہے۔
