گوجرہ: مسجد علی المرتضیٰ کا سنگ بنیادرکھنے کی تقریب ہوئی

گوجرہ (باغی ٹی وی نامہ نگار عبد الرحمن جٹ) مرکزی جمعیت اہلحدیث تحصیل گوجرہ کے سرپرست اعلیٰ مولانا عبدالقادر عثمان، امیر حافظ محمد اسلم جٹ، ناظم اعلیٰ میاں محمد افضل اور اہلحدیث یوتھ فورس تحصیل گوجرہ کے صدر حافظ عمران شاکر نے کہا ہے کہ مسجدیں تعمیر کرنا ایک بڑی سعادت ہے اور اللہ تعالیٰ کی رضا کے لیے مساجد کی تعمیر میں بڑھ چڑھ کر حصہ لینا چاہیے۔ انہوں نے یہ بات چک نمبر 349 ج ب میں نئی مسجد علی المرتضیٰ ؓ کے سنگ بنیاد رکھنے کی تقریب سے خطاب کرتے ہوئے کہی۔

مقررین نے کہا کہ مساجد کی تعمیر کے ذریعے اللہ کے گھروں کو آباد کرنا بہت بڑا اجر ہے۔ تمام مخیر حضرات سے اپیل کی کہ وہ اس نیک کام میں حصہ لیں تاکہ مسجد کی تعمیر مکمل ہو سکے۔ اس موقع پر قاری محمد ذکریا، قاری محمد افضل، محمد سعید، محمد شفیق، مولانا عدنان افضل، مولانا کاشف سعید، مولانا ارشد ظہیر، اور چوہدری غلام رسول گجر بھی موجود تھے۔

مقررین نے مزید کہا کہ جب انسان خلوص اور سچائی کے ساتھ، نیکی کی بنیاد پر کوئی کام کرتا ہے تو اللہ تعالیٰ اس میں برکت ڈال دیتے ہیں اور اس کے کام میں مدد کرتے ہیں۔ اخلاص کے ساتھ کیے گئے کام دیر پا معاشرتی اثرات رکھتے ہیں اور یہی کام حقیقی طور پر کامیاب ہوتے ہیں۔