گوجرانوالہ (نامہ نگار) باغی ٹی وی کی 13ویں سالگرہ کی تقریب مقامی دفتر میں منعقد ہوئی، جس کی میزبانی نامہ نگار محمد رمضان نوشاہی نے کی۔ تقریب میں سالگرہ کا کیک کاٹا گیا، جس میں معزز شخصیات نے شرکت کی، جن میں عطا الرحمن صدیقی (ورک آئس کریم والے)، اعجاز صاحب، محمد عامر سیٹھ، سیٹھ محمد مستنصر، استاد محمد طارق (سینٹری والے)، خرم شہزاد سوہل (سوہل یونائٹڈ سینٹری والے) اور منشی احد کریمی شامل تھے۔
اس موقع پر شرکاء نے کہا کہ باغی ٹی وی نے ہمیشہ مظلوموں کی آواز اعلیٰ ایوانوں تک پہنچانے میں نمایاں کردار ادا کیا ہے۔ انہوں نے محمد رمضان نوشاہی کی صحافتی خدمات کو سراہتے ہوئے کہا کہ وہ غریب اور مستحق افراد کے ساتھ کھڑے رہنے کی شاندار روایت کو برقرار رکھے ہوئے ہیں۔
تقریب کے دوران یہ بھی کہا گیا کہ باغی ٹی وی، مشہور اینکرپرسن اور سینئر صحافی مبشر لقمان کی قیادت میں، ڈیجیٹل میڈیا کے میدان میں نمایاں کامیابیاں حاصل کر رہا ہے اور عوامی مسائل اجاگر کرنے میں اہم کردار ادا کر رہا ہے۔
گوجرانوالہ: باغی ٹی وی کی 13ویں سالگرہ کی تقریب منعقد، کیک کاٹا گیا
