گوجرانوالہ:شدید بارش ، شہر کے تمام نشیبی علاقوں سے نکاسی آب کا عمل جلد یقینی بنایا جائے،کمشنر

گوجرانوالہ:باغی ٹی وی (نامہ نگار محمد رمضان نوشاہی ) کمشنر گوجرانوالہ ڈویژن نوید حیدر شیرازی نے کہا ہے کہ شدید بارش کے باعث شہر کے تمام نشیبی علاقوں سے نکاسی آب کا عمل جلد یقینی بنایا جائے اس ضمن میں واسا اور میونسپل کمیٹیز تمام ڈسپوزل اسٹیشن اور مشینری آپریشنل رکھیں

یہ بات انہوں نے ایم ڈی واسا کاشان حفیظ بٹ کے ہمراہ بارش کے بعد شہر کے مختلف علاقوں کا تفصیلی دورہ کرنے کے دوران گفتگو کرتے ہوئے کہی ۔انیوں نے ایم ڈی واسا کو ہدایت کی کہ لوڈشیڈنگ کی صورت میں جنریٹر کو بروئے کار لایا جائے،اور شہر کی سڑکوں پر سکر مشینیں اور ڈی واٹرنگ پمپس لگا کرجلد نکاسی آب یقینی بنائیں،

انہوں نے کہا کہ شدید بارش کے باعث شہریوں کو پریشانی سے بچانے اور ٹریفک کی روانی کے لیے تمام وسائل بروئے کارلائے جائیں، انہوں نے کہا کہ وزیراعلٰی پنجاب مریم نواز شریف کی طرف سے نکاسی آب کے حوالے سے خصوصی ہدایات جاری کی گئی ہیں،ایم ڈی واسا،ایکسئین اور میونسپل کمیٹیوں کے چیف افسران ہمہ وقت الرٹ رہیں،