تہران: ایران نے پاپ گلوکار امیر حسین المعرف ٹیٹالو کو نبی پاک ﷺ کی توہین کرنے پر سزائے موت سنا دی۔
باغی ٹی وی : عرب میڈیا کے مطابق ایران کے معروف پاپ گلوکار کو توہین رسالت ﷺ پر گزشتہ برس ترکیہ سے بلا کر حراست میں لیا گیا تھاگلوکار کو توہینِ مذہب پر 5 سال قید کی سزا سنائی گئی تاہم یہ مقدمہ دوبارہ کھولا گیا اور اس بار نبی آخری الزماں ﷺ کی گستاخی بھی ثابت ہوگئی-
تاہم سپریم کورٹ میں سرکاری پراسیکیوٹر نے اس سزا پر اعتراض کیا تھا کہ یہ سزا اس کے جرم کے مقابلے میں بہت کم ہے اسے سزائے موت سنائی جائے،سپریم کورٹ نے پراسیکیوٹر کی یہ استدعا قبول کر لی اور پراسیکیوٹر کے پچھلی 5 سال قید پر اعتراض کو تسلیم کرتے ہوئےنبی پاک ﷺ کی توہین کرنے پر 37 سالہ گلوکار کو موت کی سزا سنا دی۔
کبریٰ خان نے فروری میں شادی کی تصدیق کردی
واضح رہے کہ گلوکار امیر حسین 2018 سے استنبول میں مقیم تھے اور توہین مذہب و رسول ﷺ پر ایران کی درخواست پر ترک پولیس نے گرفتار کرکے دسمبر 2023 میں ایران کے حوالے کیا تھا اس سےقبل جسم فروشی کو فروغ دینےاسلامی جمہوریہ کے خلاف پروپیگنڈا پھیلانے اور فحش مواد شائع کرنے کا الزام میں بھی گلوکار کو 10 سال قید کی سزا سنائی گئی تھی۔
پاسپورٹ کیلئے فاسٹ ٹریک کا دائرہ مزید26 شہروں تک بڑھا دیا گیا
العربیہ کے مطابق حکومت مخالف ایرانی سیاست دان اسے اپنی سیاسی ضرورتوں کے لیے ایک آلہ کار کے طور پر استعمال کرتے تھےوہ 2015میں ایرانی جوہری پروگرام کی حمایت میں بھی ایک گانا ریکارڈ کر چکا تھا تاہم یہ گانا ڈونلڈ ٹرمپ کے پہلے دور میں منظر عام پر آیا تھا اس گلوکار نے 2017 میں صدر ابراہیم رئیسی سے بھی ایک ٹی وی پروگرام میں ملاقات کی تھی۔
