حافظ آباد،باغی ٹی وی (خبرنگارشمائلہ) شہداء کی فیملیز کے اعزاز میں ڈی پی او ہاؤس میں افطار پارٹی، گولڈ میڈلز اور تحائف تقسیم
تفصیل کے مطابق ڈی پی او حافظ آباد کی جانب سے شہداء کی فیملیز کے اعزاز میں ڈی پی او ہاؤس میں افطار پارٹی کا اہتمام کیا گیا، جہاں شہداء کی لازوال قربانیوں کو خراج تحسین پیش کیا گیا۔
ترجمان پولیس کے مطابق افطار پارٹی کے دوران شہداء کے اہل خانہ کو گولڈ میڈلز سے نوازا گیا، جبکہ بچوں میں تحائف بھی تقسیم کیے گئے۔
اس موقع پر ڈی پی او حافظ آباد نے کہا کہ شہداء کی قربانیاں قوم کا اثاثہ ہیں اور انہیں کبھی فراموش نہیں کیا جائے گا۔
