حادثات سے بچانے والی اینڈرائیڈ ایپلیکیشن

اسمارٹ فون ایک ایسی ٹیکنالوجی ہے جسے استعمال کرتے ہوئے انسان دنیا سے بے خبر ہوجاتا ہے، لیکن انسان کا فون میں یہی انہماک کبھی کبھی کسی حادثے کا پیش خیمہ بن جاتا ہے دنیا بھر میں متعدد افراد اسمارٹ فون پر مصروف رہتے ہوئے اکثر و بیشتر کبھی کسی گاڑی سے ٹکرا جاتے ہیں تو کبھی کبھی دیوار یا کبھی کسی بڑے حادثے کا بھی باعث بن جاتےہیں-

باغی ٹی وی :سمارٹ فون کے صارفین کو ایسے ہی حادثات سے بچانے کے لئے ایک ایسی ایپلی کیشن بنائی گئی ہے جو چلتے ہوئے موبائل پر نظریں جمائے رکھنے کے عادی افراد کو سر اٹھانے پر مجبور کردیتی ہے۔

جی ہاں XDA Developers کی جانب سے بنائی گئی اس ایپلی کیشن Heads Up کوگوگل پلے اسٹور سے مفت میں انسٹال کیا جاسکتا ہے۔

یہ ایپلی کیشن ڈیجیٹل ویل بینگ کے زُمرے میں آتی ہے اس ایپ کے اسکرین شاٹس سے ظاہر ہوتا ہے کہ اگر آپ چلتے وقت اس ایپ کو استعمال کر رہے ہیں تو فورا آپ کی موبائل اسکرین پر ایک نوٹیفیکیشن ظاہر ہوگا جس میں آپ کو مختلف پیغامات دیے جائیں گے جیسے کہ’ محتاط رہیے‘،’سامنے دیکھیں‘، وغیرہ وغیرہ۔

اس ایپلی کیشن کے ڈویلپر کے مطابق اس ایپ کو فون کی سیٹنگ میں جا کر سوئچ آن اور سوئچ آف بھی کیا جاسکتا ہے، اسی طرح صارف اپنی مرضی کے مظابق نوٹیفیکیشن کو بند یا اس کے ظاہر ہونے کا وقت بھی مقرر کر سکتا ہے۔ فی الحال اس ایپلی کیشن سے اینڈرائیڈ موبائل فون صارفین ہی مستفید ہوسکتے ہیں۔