کمپالا: یوگنڈا کے مرکزی بینک سے ہیکرز نے 17 ملین ڈالر چوری کرلیے۔
باغی ٹی وی :غیر ملکی خبررساں ایجنسی کے مطابق ہیکرز نے بینک آف یوگنڈا کے آئی ٹی سسٹمز تک رسائی حاصل کر کے 17 ملین ڈالر کی رقم منتقل کی،نامعلوم ذرائع کے حوالے سے یوگنڈا کے سرکاری اخبار نے بتایا ہے کہ جنوب مشرقی ایشیا میں واقع ہیکنگ گروپ نے چُرائی گئی رقم کا کچھ حصہ ہیکرز نے جاپان منتقل کیا،تاہم بینک چوری شدہ رقم کا نصف حصہ ریکور کرنے میں کامیاب ہو گیا ہے،یوگنڈا کے صدر یُویری موسیوینی نے جامع تحقیقات کا حکم دے دیا ہے۔
یوگنڈا میں بینکوں اور دیگر مالیاتی خدمات فراہم کرنے والے ادارے بشمول ٹیلی کام فرمز متعدد مرتبہ سائبر حملوں کی زد میں آچکے ہیں تاہم پولیس حکام نے کہا ہے کہ کچھ بینک عوامی سطح پر ایسے واقعات کا اعتراف کرنے سے کتراتے ہیں۔
