چیئرمین پی ٹی اے میجر جنرل (ر) حفیظ الرحمان نے باچا خان مرکز پشاور کا دورہ کیا، جہاں ان کا استقبال اے این پی کے مرکزی صدر سینیٹر ایمل ولی خان نے پشتون روایات کے مطابق کیا اور ان کا جرگہ قبول کر لیا۔
باغی ٹغی وی کے مطابق اس موقع پر چیئرمین پی ٹی اے نے کہا کہ جو واقعہ پیش آیا وہ ایک غلط فہمی کی بنیاد پر ہوا تھا، اور اُس روز بھی میں نے معذرت کی تھی، آج ایک بار پھر تمام گلے شکوے دور کرنے اور باچا خان مرکز آنے کا مقصد بھی یہی ہے۔انہوں نے مزید کہا کہ سینیٹر ایمل ولی خان اور ان کے خاندان کو نہایت عزت و احترام کی نگاہ سے دیکھتا ہوں۔
مرکزی صدر اے این پی سینیٹر ایمل ولی خان نے کہا کہ باچا خان مرکز تمام مظلوموں اور پشتونوں کا گھر ہے، یہاں ہمیشہ روایتی جرگوں کے ذریعے مسائل حل کیے جاتے ہیں۔انہوں نے کہا کہ پشتون روایات کا احترام کرتے ہوئے چیئرمین پی ٹی اے کے جرگے کو قبول کرتا ہوں، اور باچا خان مرکز پشاور میں انہیں اور ان کے ساتھیوں کو خوش آمدید کہتے ہیں۔
سینئر سیاستدان کمال الدین اظفر انتقال کر گئے
کویت کیجانب سے 19 سال بعد پاکستانیوں کیلئے دروازے کھل گئے
