حافظ آباد(باغی ٹی وی،خبر نگارشمائلہ) تھانہ سٹی پولیس کی منشیات فروشوں کے خلاف کارروائی، 2 گرفتار، 50 لیٹر دیسی، 11 بوتلیں ولایتی شراب برآمد
تفصیل کے مطابق تھانہ سٹی حافظ آباد کی منشیات فروشوں کے خلاف کامیاب کارروائی، ایس ایچ او انسپکٹر مذمل عباس اور انچارج چوکی اے ڈویژن سب انسپکٹر محمد عمران کی قیادت میں چھاپہ مار کارروائی کے دوران دو منشیات فروشوں کو گرفتار کر لیا گیا۔ گرفتار ملزمان میں عظمت مسیح ولد اکبر مسیح اور آقاش ولد یونس مسیح ساکنان محلہ خانپورہ شامل ہیں۔
کارروائی کے دوران ملزمان کے قبضے سے 50 لیٹر دیسی شراب اور 11 بوتلیں ولایتی شراب برآمد کی گئیں۔ پولیس نے دونوں ملزمان کے خلاف مقدمہ نمبر 1050/25 درج کر کے تفتیش شروع کر دی ہے۔
حافظ آباد پولیس کے ترجمان کے مطابق منشیات فروشوں کے خلاف زیرو ٹالرنس پالیسی کے تحت بلا امتیاز کارروائیاں جاری رہیں گی تاکہ معاشرے کو منشیات جیسے مہلک ناسور سے محفوظ رکھا جا سکے اور نوجوان نسل کا مستقبل بچایا جا سکے۔
