حافظ آباد(باغی ٹی وی خبرنگار)پنڈی بھٹیاں میں بند روڈ پر مسلح افراد نے تاجر کی گاڑی چھین لی، ڈرائیور سے گن پوائنٹ پر موبائل اور کار لے کر فرار
تفصیل کے مطابق پنڈی بھٹیاں میں علی ٹاؤن بند روڈ پر مسلح افراد نے مقامی تاجر رانا وقار کے ڈرائیور سے کار چھین لی۔ ڈرائیور بچوں کو سکول چھوڑنے جا رہا تھا جب واقعہ پیش آیا۔
واقعہ بند روڈ پر اس وقت پیش آیا جب ڈرائیور نے بچوں کو چیز دلانے کے لیے گاڑی روکی۔ تعاقب میں آئی ایک گاڑی سے تین مسلح افراد اترے اور گن پوائنٹ پر موبائل اور چابی چھین کر کار سے بچوں کے بستے باہر پھینک دیے۔ ملزمان گاڑی لے کر فرار ہوگئے۔
سی سی ٹی وی فوٹیج میں ملزمان کی کار چھیننے کی کارروائی دیکھی جا سکتی ہے۔ پولیس کو واقعہ کی اطلاع دی گئی ہے، جس پر فوری کارروائی کا آغاز کر دیا گیا ہے۔
