حافظ آباد(خبرنگارشمائلہ) وزیر اعلیٰ مریم نواز کی جانب سے گورنمنٹ اسپیشل ایجوکیشن سکول کے خصوصی بچوں میں عید گفٹ تقسیم کیے گئے۔ ڈپٹی کمشنر عبدالرزاق نے خصوصی بچوں میں عید گفٹ تقسیم کیے۔
ڈپٹی کمشنر عبدالرزاق نے بتایا کہ وزیر اعلیٰ کی ہدایت پر خصوصی بچوں کو پہلی بار عید گفٹ تقسیم کیے گئے ہیں۔ حافظ آباد اور پنڈی بھٹیاں کے اسپیشل سکولوں میں زیر تعلیم 530 سے زائد بچوں میں عید گفٹ تقسیم کیے گئے۔
ڈپٹی کمشنر نے مزید کہا کہ اسپیشل بچوں کو عید گفٹ کی تقسیم وزیر اعلیٰ مریم نواز کا تعلیم دوست اور خوش آئند اقدام ہے۔ عید گفٹ ملنے پر خصوصی بچوں کی خوشی دیدنی تھی۔ پہلی بار عید گفٹ ملنے پر خصوصی بچوں نے وزیر اعلیٰ مریم نواز کا شکریہ بھی ادا کیا۔
