حافظ آباد ،باغی ٹی وی(خبرنگارشمائلہ) ڈپٹی کمشنر عبدالرزاق کی ہدایت پر محکمہ سول ڈیفنس ٹیم نے غیر قانونی گیس سلنڈر ری فلنگ کرنے والوں کے خلاف کارروائیاں کیں۔
کارروائی کے دوران غیر قانونی گیس ری فلنگ میں ملوث متعدد دوکانیں اور گودام سیل کر دیے گئے، جبکہ مالکان کے خلاف مقدمات کے اندراج کے لیے استغاثہ متعلقہ پولیس اسٹیشن میں جمع کرا دیا گیا۔
محکمہ سول ڈیفنس کے حکام کا کہنا ہے کہ عوام کی جان و مال کے تحفظ کے لیے غیر قانونی گیس ری فلنگ کے خلاف کارروائیاں جاری رہیں گی اور کسی کو بھی انسانی زندگیوں سے کھیلنے کی اجازت نہیں دی جائے گی۔
شہریوں نے انتظامیہ کے اس اقدام کو سراہتے ہوئے غیر قانونی گیس ری فلنگ کے خلاف مزید سخت کارروائیوں کا مطالبہ کیا ہے۔
