حافظ آباد،باغی ٹی وی (خبرنگار)دیور کے ساتھ فرار ہونے والی شادی شدہ خاتون بازیاب، ملزم گرفتار
تفصیل کے مطابق حافظ آباد کے تھانہ کسوکی کی چوکی حمید پورہ پولیس نے کامیاب کارروائی کرتے ہوئے دیور کے ساتھ فرار ہونے والی شادی شدہ خاتون کو اسلام آباد سے بازیاب کروا لیا، جبکہ ملزم کو گرفتار کر لیا گیا۔
13 ستمبر 2024 کو خاتون کے والد نے پولیس کو رپورٹ درج کروائی کہ اس کی شادی شدہ بیٹی، جو دو بچوں کی ماں ہے، گھر سے لاپتہ ہو گئی ہے۔ والد نے اپنے داماد کے بھائی (دیور) پر شبہ ظاہر کرتے ہوئے اطلاع دی کہ وہ اس کے ساتھ فرار ہو چکی ہے۔
پولیس نے مقدمہ نمبر 640/24 بجرم 496A درج کرکے تفتیش کا آغاز کیا۔ جدید ٹیکنالوجی اور موبائل ٹریسنگ کی مدد سے معلوم ہوا کہ خاتون اور اس کا دیور اسلام آباد میں موجود ہیں۔
چوکی انچارج رائے حاکم نے فوری کارروائی کرتے ہوئے تھانہ کوہسار، اسلام آباد پولیس کے تعاون سے خاتون کو بازیاب کروا کر دیور کو گرفتار کر لیا۔
