پاکستان کے ایتھلیٹ حیدرعلی پیرس پیرالمپکس 2024 میں برونز میڈل جیت گئے ہیں
قومی اتھلیٹ حیدر علی نے ڈسکس تھرو میں برونز میڈل جیت لیا، حیدر علی نے ڈسکس تھرو ایونٹ میں 52.54 میٹر کی تھرو پھینک کر میڈل اپنے نام کیا،حیدر علی نے پہلی کوشش میں 52.28 میٹر کی تھرو کی، حیدر علی دوسری، تیسری چوتھی اور پانچویں باری میں تھرو پھیکنے میں ناکام رہے،قومی اتھلیٹ نے اپنی چھٹی اور آخری کوشش میں 52.54 میٹر تھرو لگائی،پیرالمپکس 2024 میں پاکستان کا یہ پہلا میڈل ہے،پیرالمپکس میں مجموعی طور پر پاکستان کا یہ چوتھا میڈل ہے، پیرالمپکس میں پاکستان کیلئے تمام میڈل حیدر علی نے جیتے ہیں
حیدر علی ابتدائی 2 راؤنڈ تک پہلی پوزیشن پر رہے بعد میں تھرو فاؤل قرار دینے پر تیسرے نمبر پر آئے،مقابلے کے دوران حیدر علی نے 52.54 میٹر کی تھرو پھینکی ، گولڈ میڈل جیتنے والے ازبکستان کے کھلاڑی تولی بوئے یلدشیف نے 57.28 کی تھرو پھینکی،چاندی کا تمغہ حاصل کرنے والے کینیڈا کے جیسی زیسو نے 53.24 کی تھرو پھینکی،اس مقابلے میں حیدر علی سمیت 10 ایتھلیٹ شامل تھے،حیدر علی نے ٹوکیو پیرالمپکس میں پاکستان کے لیے پیرالمپکس گیمز کا پہلا گولڈ میڈل جیتا تھا،حیدر علی نے 2021 کے پیرالمپکس میں سونے کا تمغہ، 2008 کے بیجنگ پیرالمپکس میں لانگ جمپ میں چاندی کا تمغہ اور 2016 میں ریو پیرالمپکس لانگ جمپ میں کانسی کا تمغہ جیتا تھا،تاہم پیرس پیرالمپکس میں وہ صرف ڈسکس تھرو کے مقابلوں میں حصہ لے رہے تھےیہ حیدر علی کے پانچویں پیرالمپکس گیمز ہیں۔ اس سے قبل وہ ایک گولڈ میڈل جبکہ چاندی اور کانسی کے تمغے بھی جیت چکے ہیں،حیدر علی ڈسکس تھرو کے علاوہ لانگ جمپ کے مقابلوں میں بھی حصہ لیتے رہے ہیں۔
حیدر علی کی کامیابی سے نوجوانوں کی حوصلہ افزائی ہوگی، وزیراعظم
وزیر اعظم شہباز شریف نے حیدر علی کو پیرالمپکس میں کانسی کا تمغہ جیتنے پر مبارکباد دی ہے،وزیراعظم نےحیدر علی کیلئے نیک تمناؤں کااظہار کیا اور کہا کہ حیدر علی کی کامیابی سے نوجوانوں کی حوصلہ افزائی ہوگی،
چیئرمین پرائم منسٹرز یوتھ پروگرام رانا مشہود احمد خاں نے حیدر علی کو پیرا اولمپکس میں کانسی کا تمغہ جیتنے پر مبارکباد دی ہے اور کہا کہ "حیدر علی کو پیرا اولیمپکس میں کانسی کا تمغہ جیتنے پر مبارکباد پیش کرتا ہوں،خو شی ہے کہ یہ حیدر علی کا چوتھا پیراولیمپکس میڈ ل ہے،حیدر جیسے نوجوان پاکستان کا فخر ہیں،نوجوان کو کھیلوں کے میدان آباد کرنے چاہئیں،وزیراعظم یوتھ پروگرام کے تحت ٹیلنٹ ہنٹ ملک بھر سے نوجوانوں کے ٹیلنٹ کی حوصلہ افزائی کر رہا ہے.
ڈیٹنگ ایپس،ہم جنس پرستوں کے لئے بڑا خطرہ بن گئیں
دوہرا معیار،موبائل میں فحش ویڈیو ،اور زیادتی کے مجرموں کو سزا کا مطالبہ
بھارت میں خاتون ڈاکٹر زیادتی و قتل کیس،سپریم کورٹ نے سوال اٹھا دیئے
بھارت،موٹرسائیکل پر لفٹ مانگنے والی کالج طالبہ کی عزت لوٹ لی گئی
بیٹی کی لاش کی کس حال میں تھی،خاتون ڈاکٹر کے والد نے آنکھوں دیکھا منظر بتایا
ٹرینی خاتون ڈاکٹر کی دل دہلا دینے والی پوسٹ مارٹم رپورٹ،شرمگاہ پر بھی آئی چوٹیں
مودی کا بھارت”ریپستان” ڈاکٹر کے ریپ کے بعد آج بھارت میں ملک گیر ہڑتال
بھارت ،ڈاکٹر کی نرس کے ساتھ زیادتی،دوسری نرس ،وارڈ بوائے نے کی مدد
بیس سال پہلے، حیدر علی گوجرانوالہ کا ایک نوجوان تھا جو دماغی فالج کا شکار تھا۔ وہ نہیں جانتا تھا کہ وہ کسی دن پیرا اولمپک چیمپئن بن جائے گا، لیکن آج، اس نے مردوں کے ڈسکس تھرو F37 میں اپنے ٹائٹل کا دفاع کیا، اس مقام تک کا سفر بہت طویل رہا لیکن حیدر علی نے ہمت نہیں ہاری،یہ 2005 کی بات ہے جب فیصل آباد کے ایک تربیتی کیمپ میں حیدر علی کا ٹیلنٹ کھیلوں کے حکام کی نظروں میں آیا،قومی درجہ بندی کرنے والے ڈاکٹر رباب کی طرف سے پیرا اسپورٹس کے لیے درجہ بندی کرنے کے بعد،حیدر علی کو ٹریک اور فیلڈ ایتھلیٹ کے طور پر جامع تربیت دی گئی، خاص طور پر لمبی چھلانگ، ڈسکس تھرو، اونچی چھلانگ، 100 میٹر اور 200 میٹر کی،حیدر علی نے ایک سال بعد کوالالمپور میں 2006 کے FESPIC گیمز میں اپنا بین الاقوامی آغاز کیا، ایک سونے اور تین چاندی کے تمغے حاصل کیے۔ آج تک، وہ مقابلہ اس کا سب سے کامیاب مقابلہ ہے۔ ان کے کوچ اکبر علی مغل 2006 سے ان کے ساتھ ہیں۔
2010 میں، FESPIC گیمز کا نام بدل کر ایشین پیرا گیمز رکھ دیا گیا، جس میں علی کوالالمپور کے بعد مزید تین بار حصہ لے چکے ہیں۔گوانگزو میں 2010 کے کھیلوں میں، علی نے لانگ جمپ F37 میں طلائی اور 100 میٹر T38 میں کانسی کا تمغہ جیتا تھا۔ 2018 میں، اس نے ڈسکس تھرو F37 اور جیولین تھرو F37/38 میں دو طلائی تمغے جیتے، ساتھ ہی لانگ جمپ T37/38 میں کانسی کا تمغہ حاصل کیا۔ اس نے 2022 ہانگژو ایشین پیرا گیمز میں ڈسکس میں اپنے گولڈ میڈل کے کارنامے کو دہرایا۔
ڈان نیوز کے مطابق حیدر علی کی کامیابی نیشنل پیرا اولمپک کمیٹی آف پاکستان کی پیداوار ہے جو پاکستان کے اندر اور بیرون ملک، بشمول لندن اور ایشیا بھر میں پیشہ ورانہ کوچنگ کے ذریعے اس کی ترقی میں سرمایہ کاری کر رہی ہے۔
