قومی اسمبلی کے حلقہ این اے 175 کے ضمنی انتخاب کے لیے کاغذات نامزدگی جمع کرانے کا سلسلہ باقاعدہ طور پر شروع ہوگیا ہے۔ یہ ضمنی انتخاب جمشید دستی کی نااہلی کے باعث خالی ہونے والی نشست پر ہوں گے۔ ضمنی انتخاب 10 ستمبر کو منعقد ہوں گے۔
کاغذات نامزدگی کے پہلے دن متعدد اہم شخصیات نے اپنی امیدواریاں رسمی طور پر جمع کرائی ہیں۔ حکیم شہزاد دانیہ شاہ سمیت اپنی دو بیویوں سمیت ریٹرننگ آفیسر کے دفتر پہنچے، جہاں انہوں نے اپنے کاغذات جمع کروائے،اسی طرح مسلم لیگ (ن) کے سابق ایم پی اے حماد نواز ٹیپو نے بھی این اے 175 کے ضمنی انتخاب کے لیے کاغذات نامزدگی جمع کروادیے ہیں۔
سیاسی مبصرین کا کہنا ہے کہ ضمنی انتخاب میں مختلف سیاسی جماعتیں بھرپور مقابلہ کریں گی، اور این اے 175 میں سیاسی لڑائی خاصی سخت متوقع ہے۔
