حکومت کی اپوزیشن کو منانے کی ایک اور کوشش، کمیٹی قائم

حکومت کی اپوزیشن کو منانے کی ایک اور کوشش، کمیٹی قائم

باغی ٹی وی کی رپورٹ کے مطابق فنانس آرڈیننس منظوری کے حوالے سے حکومت نے اپوزیشن کو منانے کی کوشش کی ہے

فنانس آرڈیننس پراپوزیشن کے اعتراضات پراسپیکر قومی اسمبلی اسد قیصر نے 8 رکنی مشترکہ کمیٹی بنا دی ،کمیٹی کا پہلا باضابطہ اجلاس کل 2 بجے پارلیمنٹ ہاؤس میں ہوگا کمیٹی اجلاس میں دونوں فریقین کا موقف سننے کے بعد آرڈیننس کا فیصلہ ہوگا ،وزیراعظم عمران خان کے مشیر برائے پارلیمانی امور ڈاکٹر بابر اعوان کا کہنا ہے کہ قانون سازی کے حوالےسے یہ بڑا بریک تھرو ہے،کمیٹی کا مقصد شورشرابے،گالی گلوچ سے ہٹ کر قانون سازی کی جائے،کمیٹی میں بابر اعوان،حماد اظہر،احسن اقبال،ایازصادق ،پرویز اشرف،نوید قمر اور دیگرشامل ہیں

سینیٹ میں بیٹھے لوگ عوام کی نمائندگی نہیں کرتے،سینیٹر فیصل جاوید

آئین کہتا ہے کوئی عدالت آرڈیننس کو چیلنج نہیں کر سکتی،سینیٹ اجلاس میں انکشاف

ٹیکس قوانین ترمیمی آرڈیننس2021،اے این پی رہنما امیر حیدر خان ہوتی کا بڑا اعلان

کمیٹی کل اجلاس میں بحث کرے گی اور قانون سازی کے حوالہ سے سفارشات تیار کرے گی، دوسری جانب حکومت کی جانب سے کمیٹی تو بنا دی گئی لیکن اپوزیشن جماعتیں کمیٹی کے اجلاس میں شریک ہوتی ہیں یا نہیں اس بارے میں ابھی کچھ نہیں کہا جا سکتا، کیونکہ اپوزیشن جماعتیں بالخصوص مسلم لیگ ن سپیکر کی بنائی گئی کمیٹیوں میں شرکت نہ کرنے کا اعلان کر چکی ہے، پی پی کی جانب سے بھی جلد ردعمل متوقع ہے