حکومت مخالف تحریک، جماعت اسلامی نے بھی ہنگامی اجلاس طلب کر لیا
باغی ٹی وی کی رپورٹ کے مطابق امیر جماعت اسلامی سراج الحق نے جماعت کی مرکزی مجلس شورٰی کا اجلاس طلب کرلیا ۔
جماعت اسلامی کے ترجمان کے مطابق مرکزی مجلس شورٰی کے تین روزہ اجلاس کا آغاز 2 جنوری کو منصورہ میں ہوگا،مرکزی مجلس عاملہ کا اجلاس آج بعد از مغرب منصورہ میں ہو گا
امیر جماعت اسلامی سراج الحق صدارت کریں گے مرکزی مجلس شورٰ ی کے اجلاس میں سالانہ کارکردگی کا جائزہ لیا جائے گا ۔ قیصر شریف
جماعت اسلامی کے ترجمان قیصر شریف کے مطابق عاملہ کے اجلاس میں حکومت مخالف جاری تحریک کا جائزہ لیا جائے گا ۔ شوریٰ کے اجلاس میں موجودہ سیاسی صورتحال پر تبادلہ خیال کے بعد آئندہ کا لائحہ عمل طے کیا جائے گا ۔امیر جماعت اسلامی سراج الحق 4 جنوری کو آئندہ کے شیڈول کا اعلان کریں گے ۔
