امیر جماعت اسلامی کراچی حافظ نعیم الرحمن نے اداراہ نورحق میں پریس کانفرنس کرتے ہوئے کہا ہے کہ کل رات نئی کراچی میں پھر ایک افسوس ناک واقعہ ہوا، دو سیاسی جماعتوں کے جھگڑے کے نتیجے میں بچہ شہید ہوگیا، اس سارے واقعے کا مطلب یہ ہے کہ عوام میں خوف پھیلایا جارہا ہے،
حافظ نعیم کا کہنا تھا کہ یہ سیاسی جماعتیں چاہتی ہیں کہ عوام ووٹ ڈالنے نہ نکلے، ناظم آباد سے شروع ہونے والا جھگڑا نیو کراچی تک پہنچ گیا، مجھے حیرت ہے کہ قانون نافذ کرنے والے اداروں کے باوجود کھلے عام اسلحے کا استعمال کیا جارہا ہے،ضلع وسطی میں ان کا کوئی مینڈیٹ نہیں اس لئے لوگوں کو ڈرا کر اپنے مرضی کے نتائج چاہتے ہیں،اس وقت عوامی رائے میں جماعت اسلامی سب سے بڑی جماعت بن کر سامنے آئی ہے،یہ ایک سروے ہے جس میں جماعت اسلامی عوام کی مدد سے بڑی جماعت بن رہی ہے، بلدیاتی انتخابات سے زیادہ سیٹیں جیتیں گے، شہر کے پاس بڑی قوت ووٹ کی ہے، ایم کیو ایم ہمیشہ پیپلز پارٹی کے ساتھ مل کر سودے بازی کرتی رہی ہے، عوام کو بات واضح کرنا چاہتا ہوں کہ جماعت اسلامی یہ انتخابی مہم اپوزیشن میں بیٹھنے کے لئے نہیں چلارہی، ہمارے بغیر حکومت نہیں بنے گی بنی تو نہیں چلے گی، ہمیں اپنے لئے کوئی مراعات نہیں چاہیے ہم نے منشور پیش کیا ہے،
حافظ نعیم کا کہنا تھا کہ 35 سال سے ایم کیو ایم اور پیپلز پارٹی حکومت میں رہیں، دونوں کا عوام میں کوئی مقام نہیں،ہمارا مقصد تعلیمی بجٹ کو تعلیم پر لگانا ہے، کراچی میں 4 میٹرو ٹرین اور چار ہزار بسیں چلائیں گے، ہم چنگچی فری اور عزت والی ٹرانسپورٹ چاہتے ہیں،کے الیکٹرک کے بیس سال کے لائسنس کو چیلنج کریں گے، کے الیکٹرک کی اجارہ داری کو ختم ہونا چاہیے،ٹھیکیداری نظام کا خاتمہ کریں گے، پی پی غیر مقبول ہوتی جا رہی ہے، یہ قتل و غارت آپس میں مل بانٹ کر کھانے کی سازش ہے، بعد میں یہ لوگ مل کر کھاتے ہیں،
واضح رہے کہ شہر قائد کراچی میں دو سیاسی جماعتوں کے مابین جھگڑے کے دوران پیپلز پارٹی کے کارکن کے 14 سالہ بیٹے کی موت ہو گئی ہے،واقعہ نیوکراچی سیکٹر جے گیارہ میں پیش آیا، جہاں پیپلز پارٹی کے کارکن عبدالغفور کے چودہ سالہ بیٹے کو سر پر گولی لگنے سے موت ہوئی جبکہ تین شہری زخمی ہوئے ہیں، پولیس نےو اقعہ کا مقدمہ درج کر لیا ہے،
ناظم آباد واقعہ، پیپلز پارٹی کے لوگ ملوث ہوئے تو سزا کیلئے تیار ہیں،سعید غنی
این اے 127، بلاول کی حمایت کرنیوالوں کی گرفتاریاں، الیکشن کمیشن کو خط
ہمارے آفس پر بیٹھے ساتھیوں پر گولیاں چلائی جارہی ہیں،مصطفیٰ کمال
الیکشن خونی بننے لگے،کراچی میں گولیاں چل گئیں، ایک کی موت
خالد مقبول صدیقی نے کہا ہے کہ ایم کیو ایم پاکستان نے کراچی میں امن قائم کیا
