حکومت نے عوام پر ایک بار پھر”بجلی بم” گرا دیا
باغی ٹی وی کی رپورٹ کے مطابق پی ڈی ایم مینار پاکستان جلسے کے اگلے روز ہی حکومت نے عوام پر مہنگائی کا ایک اور بم گرا دیا
نیپرا نے بجلی ایک ماہ کیلئے 1 روپے 11 پیسے فی یونٹ مہنگی کردی ہے،قیمت میں اضافہ ستمبر کے فیول پرائس ایڈجسٹمنٹ کی مد میں ہوا۔
نیپرا کا کہناہے کہ ستمبر میں بجلی کی پیداواری لاگت 3 روپے 95 پیسے فی یونٹ تھی ،ستمبر میں بجلی کی پیشگی پیداواری لاگت 2 روپے 84 پیسے فی یونٹ تھی ،فیصلے سے بجلی صارفین پر 12 ارب روپے سے زائد کا بوجھ پڑے گا۔
نیپرا نے مزید کہا ہے کہ صارفین سے اضافی وصولی دسمبر کے بلوں میں کی جائے گی ،فیصلے کااطلاق کے الیکٹرک صارفین پر نہیں ہوگا۔
ترجمان (ن) لیگ مریم اورنگزیب نے بجلی کی قیمتوں میں اضافے کی مذمت کرتے ہوئے کہا ہے کہ بجلی مہنگی ہونی تھی اس لیے شہبازشریف کو گرفتار کیا گیا، مہنگی بجلی سے توجہ ہٹانے کیلئے غداری کے مقدمات بنائے گئے، عوام کیلئے خوشخبری ہے کہ مہنگی بجلی کا یہ آخری اعلان ہے
پاکستان پیپلز پارٹی نے بجلی کی قیمتوں میں اضافہ کو مسترد کر دیا ہے پاکستان پیپلز پارٹی کے سیکرٹری جنرل سید نیر حسین بخاری نے ردعمل میں کہا ہے کہ اشرافیہ ننائندہ حکومت نے غریب عوام پر ایک اور بجلی ہم گرایا ہےاٹا چینی پٹرول کی قیمتوں میں اضافہ سے پی ٹی آئی مدد گاروں کو مالی فائدے پہنچائے گئے.
