حکومتی کمیٹی کی ق لیگی رہنماؤں سے ملاقات کے بعد پرویز خٹک اور پرویز الہیٰ نے کیا بڑا اعلان

حکومتی کمیٹی کی ق لیگی رہنماؤں سے ملاقات کے بعد پرویز خٹک اور پرویز الہیٰ نے کیا بڑا اعلان

باغی ٹی وی کی رپورٹ کے مطابق حکومتی مذاکراتی کمیٹی نے مسلم لیگ ق کے وفد سے ملاقات کی، کمیٹی میں اسد عمر، پرویز خٹک ،گورنر پنجاب چودھری سرور، وزیراعلیٰ پنجاب عثمان بزدار نے ق لیگ کے رہنماؤں سے ملاقات کی تھی

ملاقات کے بعد سپیکر پنجاب اسمبلی چودھری پرویز الہیٰ نے کہا کہ الحمد للہ اچھی بات چیت ہوئی، بیٹھ کر ساری چیزوں پر بات چیت ہوئی، اب کوئی ایسا ایشو نہیں، جو دوسرے ایشوز جس میں چیزیں سامنے آئیں، جو چیلنجز درپیش ہیں حکومت کو ہم مل جل کر مشاورت کے ساتھ چلیں گے، حکومتوں‌کو مسائل درپیش آتے رہتے ہیں، ہر مسئلے کا حل نکالیں گے، ہم سارے نیک نیت لوگ ہیں، ہم چاہتے ہیں کہ عمران خان کی قیادت میں تبدیلی آئے اور اس کے اثرات نیچے سطح تک جانے چاہئے.

پرویز الہیٰ نے مزید کہا کہ ہمیں عمران خان کی قیادت، نیت اور کوشش میں کوئی شک نہیں،طریقہ کار میں بہتری لانے کے لئے ہم محنت کریں گے، نیک نیتی سے محنت ہو تو منزل مل جاتی ہے، ہمارا ااتحاد الیکشن تک چلے گا اور الیکشن کے بعد ہم اکٹھے ہوں‌گے، مشاورت سے کام کریں گے تو اللہ کی مدد آئے گی، میں دل کی گہرائیوں سے کمیٹی اراکین کا شکریہ ادا کرتا ہوں ،یہ ہمارے گھر آئے اور بات چیت ہوئی.

وفاقی وزیر دفاع پرویز خٹک نے کہا کہ مسلم لیگ ق کا شکریہ ادا کرتا ہوں، ایک وفد نے آج ملاقات کی پہلے بھی ہماری میٹنگز ہوئی، معمولی باتوں کو بڑی غلط فہمی بنا دیا لوگوں نے، ہم پہلے بھی ساتھ تھے اور پھر بھی رہیں گے، ہمارا کوئی جھگڑا نہیں، مل بیٹھ کر سب مسئلے حل کریں گے، اتحادیوں کے ساتھ مل جل کر چلیں گے اور فیصلے کریں گے، دوبارہ خوش آئند فیصلہ ہے کہ یہ غلط فہمی دور ہو گئی کہ ہمارے اتحادی کہیں نہیں جا رہے، ایشوز آتے رہتے ہیں جو ہم نے خوش اسلوبی کے ساتھ طے کر لئے، تین سال تک یہ ہمارے اتحادی ہی رہیں گے، ایم کیو ایم بھی ساتھ رہے گی