مرکزی مسلم لیگ کے ترجمان تابش قیوم نے کہا ہے کہ انٹراپارٹی انتخابات کا پہلا فیز جاری ہے،حکومتوں کو عوامی مسائل سے دلچسپی نہیں، مرکزی مسلم لیگ انٹرا پارٹی انتخابات کے بعد یوسی سطح پر خدمت کمیٹیاں بنا کر عوامی مسائل حل کرنے کی کوشش کرے گی،پنجاب میں ایک دہائی سے بلدیاتی انتخابات نہیں ہوئے، کرپشن کے خاتمے کے لئے دیانتدار قیادت کی ضرورت ہے، سیاست چند خاندانوں کی میراث نہیں، نوجوانوں کو آگے بڑھنا ہوگا، نوجوانوں کو آئی ٹی کی تربیت دے کر بے روزگاری کا خاتمہ کر رہے ہیں،
ان خیالات کا اظہار انہوں نے گوجرانوالہ پریس کلب میں پریس کانفرنس کرتے ہوئے کیا اس موقع پر مرکزی مسلم لیگ گوجرانوالہ ڈویژن کے صدر شیخ فیاض احمد، مرکزی مسلم لیگ گوجرانوالہ کے نائب صدر راشد علی سندھو،ضلعی سیکرٹری جنرل چوہدری شوکت علی ورک بھی موجود تھے، تابش قیوم کاکہنا تھا کہ مرکزی مسلم لیگ نظریہ پاکستان کی علمبردار سیاسی جماعت ہے، ہم خدمت کو سیاست کا بنیادی جزو سمجھتے ہیں، مرکزی مسلم لیگ کی سیاست کا انداز یکسر مختلف ہے، دوران سیلاب مرکزی مسلم لیگ نے ریسکیو و ریلیف کا کام کیا، سہولت بازارقائم کئے گئے، رمضان میں سحر و افطار دسترخوان ملک بھر میں لگائے گئے، ہم سمجھتے ہیں کہ یونین کونسل کی سطح پر شہریوں کے مسائل ہیں جنہیں حل کرنے میں حکومتوں کی دلچسپی نہیں،اسی لئےبلدیاتی انتخابات نہیں کروائے جا رہے، ،پنجاب حکومت بھی بلدیاتی الیکشن نہیں کروا رہی، ہم نے قومی اسمبلی کی سطح پربھی دیکھ لیا کہ کس طرح سیلیکشن ہوتی ہیں،جمہوری روایات کی حالت آج سب کے سامنے ہے،تابش قیوم کا مزید کہنا تھا کہ پاکستان کے مسائل کو حل کرنے کا واحد حل نوجوانوں کو قیادت دیں انکی تربیت کریں، اپنی مدد آپ کے تحت معاشرے کے مسائل کو حل کریں،ہم سیاست کی ایسی بنیاد رکھیں گے جس کے سامنے کوئی ایسا نظام کھڑا نہ رہ سکے جو کرپشن پر مبنی ہو، ہمارا نعرہ ہے عوام کو اختیار دو ، اسکی عملی مشق ملک بھر میں انٹرا پارٹی انتخابات کر رہے ہیں، ملک بھر کی 500 یوسز میں انٹرا پارٹی انتخابات ہو رہے ہیں،مرکزی مسلم لیگ کے عہدیدار خدمت کے پروگرام شروع کریں گے اور وہ تمام سیاسی جماعتوں کے لئے مثال بنیں گے ، کوئی بھی شخص جس نے مرکزی مسلم لیگ کا رکنیت کا فارم جمع کروایا ہے وہ ووٹ دے سکتا ہے،یونین کونسل کا صدر ایک پینل منتخب کرے گا جس میں ایک خاتون بھی شامل ہو گی،ایک کمیٹی بنے گی جو خدمت کے کام کرے گی،تابش قیوم کا مزید کہنا تھا کہ پنجاب لوکل گورنمنٹ ایکٹ غیر جماعتی انداز سے بالکل درست نہیں، سیاسی جماعتوں کو موقع دینا چاہئے، ہم نے عوام کو روزگار کے مواقع فراہم کئے،ڈیجیٹل روزگار پروگرام شروع کیا صلاحیت بڑھاؤ،اپنا کماؤ کے نام سے نوجوانوں کو آئی ٹی، فری لانسنگ کی تربیت فراہم کر رہے ہیں، ہم پورا ایجنڈہ رکھتے ہیں کہ کس طرح وہ کام کر سکتے ہیں جو حکومت نے کرنے ہیں،مرکزی مسلم لیگ میں ہر پاکستانی شہری شامل ہو سکتا ہے ،ہم سب کو خوش آمدید کہتے ہیں، جو بھی شخص کسی بھی قوم،برادری،مسلک سے تعلق رکھتا ہے رکن بن سکتا ہے،نوجوانوں کو باتیں اور کہانیاں سنا کر ساتھ نہیں چلایا جا سکتا بلکہ عملی کام کرنا پڑتا ہے،جب عملی طور پر لوگوں کے مسائل حل کرنے کی کوشش کریں گے تو لوگ ساتھ جڑیں گے،
اس موقع پر شیخ فیاض احمد کا کہنا تھا کہ مرکزی مسلم لیگ انٹرا پارٹی انتخابات کے حوالہ سے بہت بڑی روایت قائم کر رہی ہے، اپنی جماعت کے اندر نئی قیادت کو موقع دے رہی ہے،باقی جماعتوں کو بھی کہتے ہیں کہ وہ اپنی جماعتوں میں جمہوری سسٹم رائج کریں، پاکستان کی سیاست چند ہاتھوں اور خاندانوں میں نہیں ہونی چاہئے،
