اسلام آباد: پاکستان تحریک انصاف (پی ٹی آئی) کے چیئرمین گوہر علی خان کا کہنا ہے کہ مذاکرات میں پہل بانی پی ٹی آئی نے کی۔
باغی ٹی وی: بیرسٹر گوہر علی خان نے اسلام آباد میں میڈیا سے گفتگو کرتے ہوئے کہا کہ ہم نے اپنے مطالبات حکومت کے سامنے رکھے تھے، لیکن حکومت نے مذاکرات میں تاخیر کی، ہمارے اوپر ہر قسم کی سختیاں کی گئیں، تاہم اس کے باوجود ہم نے مذاکرات کی پیشکش کی،اگر حکومت سنجیدہ ہوتی تو اپنا جواب فوری طور پر دیتی حکومت کی جانب سے کہا گیا تھا کہ 28 تاریخ کو کمیٹی روم میں جواب دیں گے، لیکن جوڈیشل کمیشن بنانے کے مطالبات پر حکومت نے ابھی تک کوئی جواب نہیں دیا،حکومت چاہتی ہی نہیں تھی کہ مذاکرات ہوں اور ان کا حل نکلے،مذاکرات ختم ہونے کے بعد ابھی تک کسی سے کوئی ملاقات نہیں ہوئی۔
ون چائنہ پالیسی پاکستان کی خارجہ پالیسی کا اہم حصہ ہے،صدر مملکت
قبل ازیں چیئرمین پی ٹی آئی بیرسٹر گوہر کا کہنا تھا حکومت جوڈیشل کمیشن بنانے کا اعلان کرے تو ہم آگے دیکھیں گے اور بانی پی ٹی آئی سے بات کریں گے۔
واضح رہے کہ گزشتہ روز اسپیکر قومی اسمبلی سردار ایاز صادق نے حکومت اور پی ٹی آئی کی مذاکراتی کمیٹیوں کا اجلاس طلب کیا تھا ہم پی ٹی آئی کی مذاکراتی کمیٹی کے ارکان کی عدم شرکت کے باعث اجلاس ملتوی کر دیا گیا۔
ملٹری ٹرائل کس بنیاد پر چیلنج ہو سکتا ہے؟جسٹس جمال مندوخیل کا خواجہ حارث سے استفسار
بانی پی ٹی آئی عمران خان نے چند روز قبل اعلان کیا تھا کہ حکومت نے ہمارے مطالبے پر 7 روز میں 9 مئی اور 26 نومبر کے واقعات پر جوڈیشل کمیشن بنانے کا اعلان نہیں کیا اس لیے ہم حکومت کے ساتھ مذاکرات ختم کر رہے ہیں۔
