حکومت نے کل سے ملک بھر میں تمام پرائمری اسکولز کھولنے کا اعلان کر دیا ہے-
باغی ٹی وی : تفصیلات کے مطابق صوبائی وزیر تعلیم مراد راس کا کہنا ہے کہ پنجاب میں پبلک اور پرائیویٹ پرائمری ا سکول کل سے کھلیں گے-
وفاقی وزیرتعلیم شفقت محمود کا کہنا ہے کہ بچوں کے مستقبل کو مد نظر رکھتےہوئے فیصلہ کیا-
وفاقی وزیر تعلیم نے کہا کہ ہم نے پرائمری اسکولز کھولنے سے متعلق صوبوں سے بھی مشاورت کی
شفقت محمود کا کہنا ہے کہ ایس او پیز کی خلاف ورزی کرنےوالے اسکولز کو بند کیاگیا اب بھی جن اسکولزمیں ایس او پیزکی خلاف ورزی ہوئی تو بند کردیئے جائیں گے-
وزیر تعلیم نے مزید کہا کہ والدین ،اساتذہ اور انتظامیہ نے کورونا کےدوران تعاون کیا جس پران کے مشکور ہیں والدین کو تسلی دیناچاہتے ہیں ایس اوپیز پر سختی سے عمل درآمد کروایا جائے گا-
واضح رہے کہ علامگیر وبا کورونا وائرس سے احتیاطی تدابیر کے پیش نظر رواں ماہ مارچ کے وسط میں تمام تعلیمی اداروں کو بند کر دیا گیا تھا جس کے بعد رواں ماہ حکومت نے مڈل سے میٹرک تک کے سکولز کھولنے کی اجازت دی تھی تاہم اب حکومت نے کورونا ایس او پیز کو مد نظر رکھتے ہوئے پرا ئمری تک کے تعلیمی ادارے کھولنے کی بھی اجازت دے دی ہے-
