اسلام آباد: وفاقی حکومت نے آئندہ 15 روز کے لیے پیٹرولیم مصنوعات کی قیمتوں میں اضافہ نہ کرنے کا فیصلہ کیا ہے۔
باغی ٹی وی : وزیر خزانہ اسحاق ڈار نے اپنے ویڈیو پیغام میں کہا کہ پیٹرول اور ڈیزل سمیت دیگر کی قیمتیں جو سولہ اکتوبر سے چل رہی ہیں وہ برقررا رہیں گی آج ٹیکس رٹرن فائل کرنے کی اخری تاریخ تھی، صورتحال کو سامنے رکھتےہوئے فیصلہ کیا ہے کہ ایک ماہ کی توسیع کی جائے۔
سوئی ناردرن گیس کمپنی کےکمرشل صارفین کیلئےگیس کی فی یونٹ قیمت میں دوگنا سےزائد اضافہ
وفاقی وزیر خزانہ اسحاق ڈار کا اہم بیان ۔۔ https://t.co/jpVXULSHhx
— PMLN (@pmln_org) October 31, 2022
وفاقی وزیر خزانہ اسحاق ڈار نے بتایا کہ پیٹرول، ڈیزل، لائٹ ڈیزل اور مٹی کے تیل کی موجودہ قیمتیں برقرار رہیں گی پیٹرول کی قیمت 224 روپے 80پیسے، ڈیزل کی فی لیٹر قیمت 235 روپے 30 پیسے برقرار رہے گی اس کے علاوہ مٹی کے تیل کی قیمت 191 روپے 83 پیسے فی لیٹر اور لائٹ ڈیزل آئل کی قیمت 186 روپے 50 پیسے برقرار رہے گی۔
ہونڈا موٹرسائیکلوں کی قیمت میں ہو شربا اضافہ
وزیرخزانہ اسحاق ڈار نے کہا ہے کہ 3 ماہ سے پھنسی ہوئی ایل سی میں رعایت دیں گے،پہلے 50 ہزار ڈالر تک ایل سی کو کلیئر کرنے کی اجازت دی تھی، اب ایک لاکھ ڈالر کی ایل سیز بھی یکم نومبر سے کلیئر ہوں گی۔
ان کا کہنا تھا کہ اب مزید 1350 ایل سیز فوری کلیئر ہوجائیں گی،پہلے 4350 ایل سیز کلیئر کراچکے ہیں،مجموعی طور پر 8 ہزار سے زائد ایل سیز رکی ہوئی تھیں۔
