کوئٹہ: پاکستان تحریک انصاف (پی ٹی آئی) سندھ کے صدر حلیم عادل شیخ اور دیگر کے خلاف تھانہ بوستان ضلع پشین بلوچستان میں مقدمہ درج کرلیا گیا۔
باغی ٹی وی :حلیم عادل شیخ پر بلوچستان میں ریاست اور اداروں کے خلاف نفرت انگیز اور اشتعال انگیز تقریریں کرنے کا مقدمہ درج کیا گیا ہے، مقدمہ درج ہونے پر ی ٹی آئی رہنما حلیم عادل شیخ نے ضمانت کے لیے سندھ ہائیکورٹ سے رجوع کرلیا، سندھ ہائیکورٹ میں حلیم عادل شیخ کی درخواست ضمانت کی سماعت کچھ دیر میں ہوگی-
حلیم عادل شیخ کے خلاف درج مقدمے میں 28 نامزد افراد سمیت دیگر کو نامزد کیا گیا ہے، مقدمہ بوستان تھانے کے لیویز افسر عبدالغنی کی مدعیت میں درج کیا گیا ہے مقدمے میں صوبائی رہنماء شریف توخی، اشتہاری ملزم عبدالباری کاکڑ ، جہانگیررند ، مرکزی رہنماء میر اشفاق، نوابزادہ شریف جوگیزئی، معظم بٹ، مہوش جنجوعہ، عبدالباری بڑیچ، شاندانہ گلزار اور خورشید احمد نامزد ہیں جبکہ شہریار آفریدی، رحیم کاکڑ، عتیق کاکڑ اور دیگر کو بھی مقدمے میں نامزد کیا گیا ہے،مذکورہ حکام نے تھانے کی حدود میں ریاست مخالف وال چاکنگ مٹانے کا حکم دیا تھا۔
یہ ٹیم خواجہ سراؤں کے ساتھ کھیلتی تو بھی ہار جاتی،شیخ رشید کی قومی …
مقدمے کے متن میں کہا گیا کہ پتہ چلا پی ٹی آئی کی جانب سے ریاست مخالف نعرے لکھے گئے تھے، عطاء اللہ نیازی، سیف اللہ کاکڑ، صحبت تارن، رانا سلیم اور عتیق خان نے چاکنگ کی تھی، کلی خانان بوستان میں عتیق خان کے گھر پر پی ٹی آئی رہنماوں کا جلسہ تھا، تمام رہنماؤں نے ریاست اور داروں کے خلاف اشتعال انگیز تقریریں کی، یہ عمل عوام کو اکسانے، انتشار پھیلانے اور بغاوت کے زمرے میں آتا ہے۔
