جبالیہ میں حماس کا اسرائیلی قافلے پر حملہ، کئی اسرائیلی فوجی ہلاک

غزہ:جبالیہ میں حماس کی جانب سے 12 گاڑیوں کو بارودی سرنگوں سے نشانہ بنانے کے بعد فائرنگ اور راکٹوں سے حملہ کیا گیا جس میں کئی اسرائیلی فوجی مارے گئے-

باغی ٹی وی : میڈیا رپورٹس کے مطابق 12 گاڑیوں کو بارودی سرنگوں سے نشانہ بنانے کے بعد فائرنگ اور راکٹوں سے حملہ کیا گیا جس میں کئی اسرائیلی فوجی مارے گئے جب کہ مقبوضہ مغربی کنارے میں اسرائیلی فوج کی فائرنگ سے 2 فلسطینی شہید ہوگئے۔

ادھر جبالیہ کیمپ کا محاصرہ 11 ویں روز میں داخل ہوگیا جب کہ امداد پر مکمل بندش کے باعث بھوک کا غلبہ ہے۔گزشتہ روز امداد کے لیے جمع لوگوں پر بمباری کرکے 10 فلسطینیوں کو شہید کیا گیا تھا،جبکہ آج صبح سویرے اسرائیل کے وحشیانہ حملوں میں 29 فلسطینی شہید ہوگئے، نصیرت اور خان یونس سمیت مختلف علاقوں میں گھروں پر بم برسائے گئے۔

اپنی اسی وحشیانہ جنگی حکمت عملی کے تحت اسرائیل نے شمالی غزہ کو عملا پورے غزہ سے کاٹ کر رکھ دیا ہے اور یہاں سے کوئی شہری وسطی یا جنوبی غزہ کی طرف نہیں جا سکتا ہے جبکہ اسرائیل بلا امتیاز بمباری جاری رکھے ہوئے ہے۔