پاکستان تحریک انصاف (پی ٹی آئی) کی رہنما زرتاج گل نے کہا ہے کہ اگر آپ غلط نہ ہوتے تو خٹک جیسے لوگ آپ کے وزیر نہ ہوتے۔
انہوں نے یہ بات راولپنڈی میں انسداد دہشت گردی عدالت (اے ٹی سی) کے باہر میڈیا سے گفتگو کرتے ہوئے کہی۔زرتاج گل نے کہا کہ موجودہ حالات بہت خراب ہیں اور حال ہی میں جعفر ایکسپریس کا افسوسناک واقعہ پیش آیا۔ انہوں نے مزید کہا کہ ہم ہمیشہ اپنی فورسز کے ساتھ کھڑے ہیں اور دہشت گردی ایک ایسا مسئلہ ہے جو پاکستان پر مسلط کیا گیا ہے۔ اس کے باوجود، انہوں نے یہ بھی کہا کہ کسی بھی وفاقی وزیر کو اپنے محکمے میں کیا ہو رہا ہے، اس کا بالکل علم نہیں ہوتا۔
انہوں نے 9 مئی کے بعد کی صورتحال پر بھی اپنی تشویش کا اظہار کیا، اور کہا کہ جن لوگوں کو پہلے ریاست مخالف کہا جا رہا تھا، اب انہیں وزیر مشیر مقرر کیا جا رہا ہے، جو عوام کے لیے ایک سوالیہ نشان ہے۔
