حامد رضا کی نام سفری پابندی کی فہرست سے نکلوانے کی درخواست پرجواب طلب

اسلام آباد ہائیکورٹ: سُنی اتحاد کونسل کے سربراہ صاحبزادہ حامد رضا کی نام سفری پابندی کی فہرست سے نکلوانے کی درخواست پر سماعت ہوئی

اسلام آباد ہائیکورٹ نے سیکرٹری داخلہ اور دیگر فریقین کو نوٹس جاری کرتے ہوئے جواب طلب کر لیا، دوران اسلام آباد ہائیکورٹ کے چیف جسٹس عامر فاروق نے ڈپٹی اٹارنی جنرل سید احسن رضا کو روسٹرم پر بلا لیا اور کہا کہ آپ کو کیا لگتا ہے کہ یہ باہر جا کر واپس نہیں آئیں گے؟ سیاسی لیڈر ہیں باہر گئے تو واپس آ جائیں گے، صرف تنگ کرنے کیلئے نام ای سی ایل میں شامل کیا گیا ہے؟ سنی اتحاد کونسل کے سربراہ کی جانب سے وکیل سید علی بخاری عدالت میں پیش ہوئے،عدالت نے جواب طلب کرتے ہوئے کیس کی سماعت آئندہ ہفتے تک ملتوی کر دی