اسرائیلی حملے میں صحافی کے خاندان کی موت

سات اکتوبر کر حماس کے اسرائیل پر حملے کے بعد اسرائیل کی غزہ پر مسلسل بمباری جاری ہے،گزشتہ 24 گھنٹوں میں اسرائیلی بمباری سے آٹھ سو کے قریب شہریوں کی موت ہو ئی ہے، غزہ میں اسرائیلی بمباری سے الجزیرہ ٹی وی کے بیوروچیف کا خاندان بھی چل بسا، وائل الدوحاح کا خاندان غزہ میں مقیم تھا،اسرائیلی بمباری سے صحافی کی بیوی، بیٹا اور بیٹی شہید ہو گئے، الجزیرہ چینل کے نمائندے کا خاندان النصیریہ کے پناہ گزین کیمپ میں موجود تھا،صحافی کی شہیدبیٹی کو گود میں اٹھائے ہسپتال سے نکلنے او ر بیٹے کی لا ش کو دیکھنے کی ویڈیو سوشل میڈیا پر وائرل ہوئی ہیں

دوسری جانب حماس ے اسرائیلی شہر ایلات میں اسرائیلی فوجی کیمپ پر حملے کئے ہیںَ، حماس کے القسام بریگیڈ کی جانب سے راکٹ کے ذریعے غزہ سے 220 کلو میٹر دور واقع ایلات میں اسرائیل کی فوجی چھاؤنی کو میزائلوں سے نشانہ بنایا گیا

امریکی ایوان نمائندگان نے حماس کیخلاف جنگ میں اسرائیل کے ساتھ اظہار یکجہتی کی قرارداد منظور کرلی ہے، اسرائیل کے حق میں امریکی ایوان نمائندگان میں 10 ڈیموکریٹس کے علاوہ تمام ارکان نے ووٹ دیا، پیش کی گئی قرارداد میں کہا گیا ہے کہ اسرائیل حماس اور دیگر مزاحمتی تنظیموں کی جانب سے شروع کی گئی جنگ میں اپنا دفاع کر رہا ہے اس لیے اسرائیل کےساتھ کھڑے ہیں، امریکی صدر جوبائیڈن، امریکی وزیر دفاع، امریکی سیکرٹری خارجہ اسرائیل سے یکجہتی کے لئے اسرائیل کا دورہ بھی کر چکے ہیں،

دنیا حماس اور اسرائیل کے مابین جنگ کو لے کر جنگ بندی پر زور دے رہی ہے تا ہم اسرائیل مسلسل حملے جاری رکھے ہوئے ہے، اسرائیل نے ایک بار پھر فلسطینیوں کو غزہ خالی کرنے کی دھمکی دی ہے،اسرائیلی وزیراعظم نے ایک بیان میں دھمکی دیتے ہوئے کہا کہ غزہ پر زمینی حملے کا وقت اتفاق رائے سے طے کیا جائے گا یرغمالیوں کو واپس لانے کیلئے ہرممکن اقدامات کر رہے ہیں

دوسری جانب اقوام متحدہ، امریکا اور کینیڈا نے اسرائیل اور حماس کے مابین جنگ میں انسانی بنیادوں پر جنگ بندی کا مطالبہ کیا ہے تاکہ محصور پٹی غزہ میں خوراک، پانی، ادویات اور بجلی کی کمی سے متاثرہ شہریوں تک امداد کی محفوظ ترسیل کی اجازت دی جا سکے

اسرائیل ،حماس جنگ، پاکستان کا فوری جنگ بندی کا مطالبہ
اقوام متحدہ میں پاکستان کے مستقل مندوب منیر اکرم کا کہنا ہے کہ فلسطینی علاقوں میں اسرائیلی کارروائیاں وسیع اور زیادہ خطرناک تنازع کی صورت اختیار کر سکتی ہیں،اقوام متحدہ سلامتی کونسل اجلاس سے خطاب کرتے ہوئے منیر اکرم کا کہنا تھا کہ اسرائیل غزہ میں فلسطینیوں کی نسل کشی کر رہا ہےپاکستان فوری اور غیر مشروط جنگ بندی کا مطالبہ کرتا ہے، صورتحال کے ذمہ دار وہی لوگ ہیں جو اس تنازع کو بڑھاوا دے رہے ہیں،

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

ہسپتال پر اسرائیلی حملہ ،جوبائیڈن کا دورہ اردن منسوخ

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

ہسپتال پر بمباری،فلسطینی صدر کی جوبائیڈن سے ملاقات منسوخ