خیبر پختونخوا میں سیلاب سے تباہی،جانی و مالی نقصان پر ہر کارکن افسردہ ہے، خالد مسعود سندھو

پاکستان مرکزی مسلم لیگ کے رہنماؤں نے کہا ہے کہ خیبرپختونخوا میں بارشوں کے بعد تباہی ہوئی،مرکزی مسلم لیگ کے امدادی رضاکار ریلیف و ریسکیو میں مصروف ہیں،سوات ،بونیر،باجوڑو دیگر علاقوں میں جانی و مالی نقصان پر ہر کارکن افسردہ ہے،ہفتہ آزادی کے پروگرام ایک ملک گیر تحریک تھی، ایٹمی پاکستان کو اب معاشی استحکام دلانا ہے،

ان خیالات کا اظہار مرکزی مسلم لیگ کے صدر خالد مسعود سندھو، جوائنٹ سیکرٹری قاری محمد یعقوب شیخ، ڈپٹی سیکرٹری جنرل حافظ خالد نیک، انجینئر حارث ڈار و دیگر نے جمعہ کے اجتماعات سے خطاب بعد ازاں کارکنان کے وفود سے ملاقاتوں کے دوران گفتگو کرتے ہوئے کیا.خالد مسعود سندھو کا کہنا تھا کہ یوم آزادی پاکستان کا دن گزر چکا، متحد قوم فاتح پاکستان سلوگن کے تحت ملک گیر کامیاب پروگراموں،ریلیوں، کانفرنسز کے اختتام پر مرکزی مسلم لیگ کے کارکنان کو خراج تحسین پیش کرتا ہوں، پاکستان میں اتحاد ویکجہتی کی مرکزی مسلم لیگ کی یہ تحریک جاری رہے گی،ہم ملک میں خدمت کی سیاست کر کے اتحاد و بھائی چارے کا عظیم منظر پیش کریں گے،پاکستانی قوم نے یوم آزادی تقریبات میں شریک ہو کر واضح دیا کہ پاک سرزمین کے دفاع ،تحفظ ،بقا کے لئے سب ایک ہیں،قاری محمد یعقوب شیخ کا کہنا تھا کہ ہم نے ایک ایسے نظام کے لیے قربانیاں دیں جو سود سے پاک معیشت، عدل و انصاف پر مبنی سیاست اور پاکیزہ معاشرت فراہم کرے،کیا ہم نے قیام پاکستان کے مقاصد حاصل کر لئے، تحریک پاکستان کے عزم، ولولے،جوش و جذبے آج بھی قوم میں نظر آئیں گے تو دنیا کی کوئی قوت پاکستان کا کچھ نہیں بگاڑ سکے گی، مرکزی مسلم لیگ کی سیاست مفادات کیلئے نہیں ہے،

حافظ خالد نیک،انجینئر حارث ڈار کا کہنا تھا کہ بھارتی یوم آزادی پر کشمیریوں کو آج یوم سیاہ منانا اور پاکستان کے یوم آزادی پر مقبوضہ کشمیر میں پاکستانی پرچموں کا لہرانا بھارت و عالمی دنیا کے لئے واضح پیغام ہے کہ طاقت و قوت کے بل بوتے پربھارت مقبوضہ کشمیر پر زیادہ دیر قابض نہیں رہ سکے گا، کشمیریوں کو آزادی ملے گی اور قیام پاکستان کی تکمیل ہو گی،