اسلام آباد : پاکستان تحریک انصاف (پی ٹی آئی) نے مطالبہ کیا ہےکہ الیکشن کمیشن فی الفور ”بلّے“ کے انتخابی نشان کا بنیادی حق دے۔
باغی ٹی وی: اسلام آباد میں تحریک انصاف کی کور کمیٹی کا اجلاس ہوا، اجلاس کے بعد جاری اعلامیے میں کہا گیا کہ الیکشن کمیشن عام انتخابات کے لیے 8 فروری کا تعین کرچکا ہے، آلودگیوں اور آلائشوں سے پاک انتخابات بنیادی آئینی و جمہوری تقاضہ ہیں،پی ٹی آئی اور کارکنان کے خلاف ظلم و انتقام جاری ہے، ووٹ کی حرمت پامال کی گئی تو مزاحمت کے سوا کوئی چارہ نہ ہوگا، سپریم کورٹ پی ٹی آئی کے خلاف امتیازی کارروائی کا از خود نوٹس لے، سپریم کورٹ تمام جماعتوں کے لیے انتخابات میں مساوی مواقع یقینی بنائے۔
جامشورو :ضلعی انتظامیہ اور پولیس کی کارروائی 14 غیر ملکی گرفتار
اعلامیے میں کہا گیا کہ کور کمیٹی کے اجلاس میں فیصلہ کیا گیا کہ قومی و صوبائی اسمبلی کی ہر نشست پر اپنا امیدوار کھڑا کریں گے، انتخابات پر ڈاکہ ڈالنے کی کوششوں کا بھی ڈٹ کر مقابلہ کریں گے، الیکشن کمیشن فی الفور بلّے کے انتخابی نشان کا بنیادی حق دے۔
