پینٹاگون نے حساس دستاویزات کا افشا ہونا قومی سلامتی کیلئےانتہائی سنگین خطرہ قرار دے دیا
امریکی محکمہ دفاع پینٹاگون نے انتہائی حساس امریکی دستاویزات کا افشا ہونا قومی سلامتی کے لیے انتہائی سنگین خطرہ قرار دے دیا۔
باغی ٹی وی: حال ہی میں کئی بڑے امریکی رازوں پر مشتمل خفیہ دستاویزات کی ایک تازہ کھیپ سوشل میڈیا پر لیک کردی گئی ان دستاویزات میں یوکرین اور مشرق وسطیٰ سے لے کر چین تک امریکی قومی سلامتی کے رازوں کی تفصیل بتائی گئی ہے۔
دنیا کے امیر ترین لوگوں کی آرٹیفشل انٹیلیجنس کی مدد سے بنائی گئی تصاویر وائرل
انتہائی حساس امریکی دستاویزات سامنے آنے پر ترجمان پینٹاگون کرس میگر نے کہا ہے کہ دستاویزات میں موجود معلومات سے لوگوں کی جانیں جاسکتی ہیں،ڈیفنس سیکرٹری لائیڈ آسٹن کو ان دستاویزات سے متعلق 6 اپریل کو بریف کیا گیا۔
ترجمان پینٹاگون کا کہنا ہے کہ پینٹاگون کی ٹیم پرکھ رہی ہے کہ دستاویزات اصل ہیں یا نہیں جبکہ محکمہ انصاف دیکھ رہا ہے کہ دستاویزات لیک کیسے ہو گئیں؟-
BREAKING- #Pentagon investigating classified Ukraine war document #leak.
Secret US plans for supplying aid to Ukraine ahead of an expected offensive were posted on social media this week, prompting a Pentagon investigation. #Ukraine #counteroffensive pic.twitter.com/L89JeIWrv0
— EurAsian Times (@THEEURASIATIMES) April 7, 2023
واضح رہے کہ جمعے کو سوشل میڈیا سائٹس پر گردش کرنے والی ان خفیہ دستاویزات نے پینٹاگون کو خطرے میں ڈال دیا اور وائٹ ہاؤس میں ہنگامی صورتِ حال پیدا کرتے ہوئے بائیڈن انتظامیہ کو چوکنا کردیا ہے۔
آئر لینڈ کے ڈبلن ائیرپورٹ پرغیرمتوازن لینڈنگ کے دوران پرواز کو حادثہ،رن وے بند
امریکی خبر رساں ادارے نیویارک ٹائمز کے مطابق لیک ہونے والی دستاویزات کی تعداد 100 سے زیادہ ہے، اور یہ دستاویزات حساسیت کے باعث بہت زیادہ نقصان دہ ہوسکتے ہیں ایک سینئر انٹیلی جنس اہلکار نے امریکہ، برطانیہ، آسٹریلیا، نیوزی لینڈ اور کینیڈا کے حوالے سے اس لیک کو ”ایک ڈراؤنا خواب“ قرار دیا ہے یہ پانچوں ممالک ”فائیو آئیز“ کے نام سے وسیع پیمانے پر انٹیلی جنس کا اشتراک کرتے ہیں۔
تازہ ترین دستاویزات جمعہ کو ٹوئٹر اور دیگر سائٹس پر پائی گئیں، جس کے ایک دن بعد بائیڈن انتظامیہ کے سینئر عہدیداروں نے اعترافاً کہا کہ وہ خفیہ یوکرینی جنگی منصوبوں کے ممکنہ لیک ہونے کی تحقیقات کر رہے ہیں ان دستاویزات میں یوکرین کی فضائی دفاعی صلاحیتوں کی کمزوری کا تشویش ناک جائزہ بھی شامل ہے مورخہ 23 فروری کی ایک سلائیڈ پر ”خفیہ/نوفورن“ کا لیبل لگا ہوا ہے، یعنی اس کا مقصد غیر ممالک کے ساتھ ہرگز اشتراک کرنا نہیں تھا-
امریکی منصوبے میں روس پر حملے کے لیے یوکرین کو مسلح کرنے سے متعلق معلومات شامل تھیں، جنگی منصوبے میں یوکرینیوں کی غیرمعمولی اموات کا ذکر کیا گیا ان دستاویزات میں دعویٰ کیاگیا کہ جنگ میں اب تک 71 ہزار 500 یوکرینی فوجی ہلاک ہوچکے ہیں جبکہ جنگ میں 16ہزار سے17ہزار روسی فوجی ہلاک ہوئے یوکرین کی 12 میں سے 9 بریگیڈ امریکا نے مسلح کیں۔
امریکا میں خرگوش پولیس افسر بن گیا
پینٹاگون کے ایک سابق سینئر اہلکار مک ملروئے نے کہا کہ خفیہ دستاویزات کا لیک ہونا ”سیکیورٹی میں ایک اہم بریچ“ کا انکشاف کرتا ہے جو یوکرین کی فوجی منصوبہ بندی میں رکاوٹ بن سکتا ہےان میں سے بہت سی دستاویزات تصاویر کی شکل میں تھیں، اور ایسا لگتا ہے کہ یہ کسی نے جان بوجھ کر لیک کی ہیں جو یوکرین، امریکہ اور نیٹو کی کوششوں کو نقصان پہنچانا چاہتا تھا۔“
ایک تجزیہ کار نے نیو یارک کو بیان میں کہا کہ اب تک جو کچھ ابھر کر سامنے آیا ہے وہ تو بس دیگ کا ایک چاول ہے۔
ابھی تحقیقات جاری ہی تھیں کہ ایک گمنام فرینج میسج بورڈ 4Chan پر ایک نقشہ جاری کیا گیا جو مشرقی یوکرین کے شہر باخموت میں جنگ کی صورتحال کو ظاہر کرتا ہے، اور ایک مہینوں تک جاری رہنےوالی شدید لڑائی کا منظر ہےلیکن افشا ہونے والی دستاویزات یوکرین کے جنگی منصوبوں کے حوالے سے انتہائی خفیہ مواد سے کہیں زیادہ ہیں۔
سوشل میڈیا سائٹس پر گردش کرنے والی دستاویزات کا جائزہ لینے والے سیکیورٹی تجزیہ کار کہتے ہیں کہ لیکس کی ان بڑھتی ہوئی تعداد میں چین، انڈو پیسیفک ملٹری تھیٹر، مشرق وسطیٰ اور دہشت گردی پر حساس بریفنگ سلائیڈز بھی شامل ہیں۔
دنیا بھر میں سمندروں کی سطح کا درجہ حرارت تاریخ کی بلند ترین سطح پر …
پینٹاگون نے جمعرات کو ایک بیان میں کہا تھا کہ محکمہ دفاع اس معاملے کو دیکھ رہا ہے یوکرین کی فوج سے متعلق دستاویزات متوقع ہتھیاروں کی ترسیل، فوج اور بٹالین کی طاقت اور دیگر منصوبوں کے چارٹ کی تصاویر کے طور پر ظاہر ہوتی ہیں۔
پینٹاگون کے حکام تسلیم کرتے ہیں کہ یہ محکمہ دفاع کی قانونی دستاویزات ہیں، لیکن ایسا لگتا ہے کہ کاپیوں کے کچھ حصوں میں تبدیلی کی گئی ہے ترمیم شدہ ورژن میں، مثال کے طور پر یوکرینی جنگ میں ہلاک ہونے والے امریکی تخمینوں کو بڑھا چڑھا کر پیش کیا گیا ہے اور ہلاک ہونے والے روسی فوجیوں کے تخمینے کو کم ظاہر کیا گیا ہے۔
جمعہ کو یوکرینی حکام اور جنگ کے حامی روسی بلاگرز نے تجویز پیش کی تھی کہ یہ لیک دوسری طرف سے غلط معلومات پھیلانے کی کوشش کا حصہ ہے، جس کا وقت ملک کے مشرق اور جنوب میں علاقے پر دوبارہ دعویٰ کرنے کے لیے یوکرین کے موسم بہار کے ممکنہ حملے کو متاثر کرنے کے لیے ہے۔
برطانیہ اور بھارت کے درمیان تجارتی تعلقات منقطع ہوگئے
یوکرین کے ایک سینئر اہلکار نے کہا تھا کہ یہ لیک ایک جوابی کارروائی کو بدنام کرنے کے لیے روسی چال معلوم ہوتی ہےبند دروازوں کے پیچھے، پریشان قومی سلامتی کے اہلکار مجرم کو تلاش کرنے کی کوشش کر رہے ہیں۔
ایک اہلکار نے بتایا تھا کہ امکان ہے یہ دستاویزات یوکرینی حکام کی طرف سے نہ آئی ہوں، کیونکہ ان کے پاس مخصوص منصوبوں تک رسائی نہیں تھی،جن پر پینٹاگون کےجوائنٹ اسٹاف کےدفاتر کےنقوش ہیں ایک دوسرے اہلکارنےکہاتھا کہ اس بات کاتعین کرنا کہ دستاویزات کس طرح لیک ہوئیں اس بات کی نشاندہی سے شروع ہوگا کہ کن اہلکاروں کی ان تک رسائی تھی۔
ڈچ تحقیقاتی سائٹ بیلنگ کیٹ کے تجزیہ کار ایرک ٹولر کے مطابق، دستاویزات کی پہلی قسط مارچ کے اوائل میں ڈسکارڈ پر پوسٹ کی گئی تھی، جو ویڈیو گیمرزمیں مقبول سوشل میڈیا چیٹ پلیٹ فارم ہےبیرونی ماہرین نے کہا کہ اس بارے میں نتیجہ اخذ کرنا مشکل ہے کہ معلومات کس نے اور کیوں جاری کیں۔
بھارتی مرکزی بینک کی 18 ممالک کو بھارت کرنسی میں تجارت کی سہولت
