حسینہ واجد سے مستعفیٰ ہونے کا مطالبہ،اپوزیشن کا احتجاج جاری

بنگلا دیش میں اپوزیشن جماعتیں وزیراعظم حسینہ واجد سے مستعفیٰ ہونے کا مطالبہ لے کر ایک بار پھر سڑکوں پر آگئیں۔

باغی ٹی وی: دارالحکومت ڈھاکا میں حکومت کے خلاف اپوزیشن مظاہرین کا احتجاج دوسرے روز بھی جاری رہا، ہزاروں افراد نے شہر کے اہم مقامات پر دھرنا دے کر سڑکیں بلاک کردیں مظاہروں سےڈھاکا کا دیگر شہروں سےزمینی رابطہ شدید متاثر ہو گیا، مرکزی شاہراؤں پر شدید ٹریفک جام رہا۔

کئی مقامات پر پولیس اور مظاہرین کے درمیان جھڑپیں ہوئیں، مظاہرین نے پولیس پر پتھراؤ کیا، پولیس نے ربڑ کی گولیاں اور آنسوگیس کی شیلنگ سے مظاہرین کو منتشر کیاجھڑپوں میں 6 مظاہرین اور 20 پولیس اہلکار زخمی ہوگئے جبکہ پولیس نے 90 مظاہرین کو گرفتار کر لیا۔

عراق میں بھی بھارتی سیرپ میں زہریلے اجزا کا انکشاف

بنگلادیش میں احتجاج اپوزیشن جماعت بنگلادیش نیشنل پارٹی کی کال پرجاری ہے جس میں جماعت اسلامی سمیت دیگر جماعتیں بھی شریک ہیں بنگلا دیش میں اپوزیشن جماعتیں گزشتہ سال سےحکومت کے خلاف احتجاجی مظاہرے کررہی ہیں، بنگلا دیشی اپوزیشن جماعتیں وزیرا عظم حسینہ واجد سے مستعفیٰ ہونے اور نگران حکومت کا مطالبہ کر رہی ہیں۔

عالمی منڈی میں چاول کی قلت شدت اختیار،متحدہ عرب امارات میں چاول کی برآمد پرپابندی

بنگلہ دیش نیشنلسٹ پارٹی کے سینئر رہنما عبدالمعین خان کا میڈیا سے گفتگو کرتے ہوئے کہنا ہے کہ ہمارا صرف ایک مطالبہ بنگلہ دیش میں جمہوریت کی بحالی ہے، یہ مطالبہ آزادانہ اور منصفانہ انتخابات کے ذریعے ہی حاصل کیا جا سکتا ہے جو موجودہ حکومت میں ممکن نہیں ہے رہنما مرزا عباس نے کہا کہ حکومت نے ریلی کو روکنے کی بہت کوشش کی لیکن وہ کامیاب نہیں ہو سکی، ہمارے رہنماؤں اور کارکنوں نے تمام رکاوٹوں کو عبور کر لیا اور ہم یہاں ریلی کو کامیاب بنانے کیلئے آئے ہیں، ہمارے کم از کم ایک ہزار حامیوں کو گرفتار کیا گیا ہے۔

یہ داستان غم سنو حضرت حسین کی ،کرتا ہوں میں بیاں شہادت حسین کی