اوچ شریف(نامہ نگارحبیب خان)ضلع بہاولپور کے شہر حاصل پور کے چوہان والا روڈ پر واقع واپڈا گرڈ اسٹیشن میں 7 اپریل 2025 کو صبح 4 بج کر 44 منٹ پر آتشزدگی کا واقعہ پیش آیا۔ ریسکیو 1122 کو اطلاع ملنے پر فوری طور پر ریسکیو ٹیمیں روانہ کی گئیں، جنہوں نے صرف 6 منٹ میں جائے وقوعہ پر پہنچ کر کارروائی شروع کر دی۔
ریسکیو حکام کے مطابق واپڈا گرڈ اسٹیشن کے اندر وولٹیج کنٹرول پینل میں آگ لگی۔ وہاں موجود واپڈا ڈیوٹی سٹاف نے بتایا کہ اندرونی خرابی کے باعث دھماکہ ہوا اور پینل میں آگ بھڑک اٹھی۔
ریسکیو 1122 کے اہلکاروں نے ڈی سی پی (ڈرائی کیمیکل پاؤڈر) کا استعمال کرتے ہوئے فوری طور پر آگ پر قابو پالیا اور کسی بڑے نقصان سے بچا لیا۔ ریسکیو آپریشن مکمل ہونے تک جاری رہا۔
ریسکیو آپریشن کی کمانڈ آفتاب ایف ڈی آر نے کی۔ ریسکیو آپریشن میں ریسکیو 1122 کی گاڑیاں بی پی اے-14 اور ایچ آر ایف-01 استعمال کی گئیں۔
