سیالکوٹ (باغی ٹی وی، سٹی رپورٹر مدثر رتو) نارووال سے فیملی کے ہمراہ ہیڈ مرالہ سیر کے لیے آئی چار سالہ حرم فاطمی دختر بابر دریائے چناب میں ڈوب گئی۔
تفصیلات کے مطابق فیملی پکنک منانے ہیڈ مرالہ پہنچی جہاں کنارے پر کھڑی ایک کشتی میں بیٹھ کر تصاویر بنائی جا رہی تھیں کہ اسی دوران کمسن بچی اچانک کشتی سے نیچے گر گئی اور پانی کے تیز بہاؤ میں بہہ گئی۔
واقعے کی اطلاع ملتے ہی ریسکیو 1122 کی ٹیمیں موقع پر پہنچ گئیں۔ ڈسٹرکٹ ایمرجنسی آفیسر انجینئر نوید اقبال کی نگرانی میں سرچ آپریشن کا آغاز کر دیا گیا ہے، تاہم تاحال بچی کا سراغ نہیں مل سکا۔
اہل خانہ غم سے نڈھال ہیں جبکہ علاقے کی فضا افسردہ ہو گئی ہے۔
