لاہور: شہر میں ٹریفک کی روانی بہتر بنانے کےلئے رات گیارہ بجے سےپہلےہیوی ٹریفک کے داخلے پر پابندی عائد کردی گئی۔
باغی ٹی وی : پابندی کے مطابق صبح 06 بجے سے پہلے تمام ہیوی ٹریفک شہر لاہور سے باہر نکل جائے گی، اس سے پہلے ہیوی ٹریفک کے شہر سے نکلنے کے لئے آخری وقت صبح 07 بجے مقرر تھا، سی ٹی او لاہور کے حکم پر رات کے وقت سڑکوں پر اضافی نفری تعینات کی جا رہی ہے۔
سیف سٹی کیمروں کی مدد سے اوورسپیڈنگ اور خطرناک ڈرائیونگ کرنے والوں کو خصوصی طور پر مانیٹر کیا جائے گا،سٹی ٹریفک آفیسر عمارہ اطہر نے بتایا ہے کہ ہاٹ سپاٹ ایکسڈنٹ پوائنٹس کی شناخت کرتے ہوئے خصوصی اقدامات کردئیے گئے، انہوں نے بتایا کہ تیز رفتاری اور خطرناک انداز میں ڈرائیونگ کرنے والوں پر مقدمات کا حکم بھی جاری کر دیا ہے۔
