وزیراعلیٰ پنجاب مریم نوازشریف نے کہا ہے کہ ہیپاٹائٹس ٹیسٹ کی مفت سہولیات فیلڈ ہسپتالوں اور کلینک آن پر بھی دستیاب ہیں۔ ہیپاٹائٹس کے مریضوں کو مفت ادویات گھروں تک پہنچائی جا رہی ہیں۔
وزیر اعلیٰ مریم نواز شریف نے ورلڈ ہیپاٹائٹس ڈے پراپنے پیغام میں کہا ہے کہ ہیپاٹائٹس خاموش قاتل ہے۔ ہیپاٹائٹس آہستہ آہستہ جگر کو متاثر کرتا ہے بروقت تشخیص و علاج نہ ہونے پر جان لیوا ہو سکتا ہے۔ہیپاٹائٹس کی ویکسین کی فراہمی کو یقینی بنایا جا رہا ہے۔ہیپاٹائٹس سے متعلق آگاہی مہم کے ذریعے عوام میں شعور بیدار کیا جا رہا ہے۔صحت مند پنجاب ہی ترقی یافتہ پنجاب ہے۔وزیراعلیٰ مریم نواز شریف نے کہا کہ عوام ہیپاٹائٹس کا ٹیسٹ ضرور کروائیں، ویکسین لگوائیں،پیغام دوسروں تک پہنچائیں۔ احتیاط اور علاج سے ہیپاٹائٹس سے مکمل بچاؤ ممکن ہے۔
