میرپورخاص : شہر میں علاقوں میں آوارہ کتوں کا راج

میرپورخاص،با غی ٹی وی ( نامہ نگار سید شاہزیب شاہ کی رپورٹ) میرپورخاص شہر کے اکثر و بیشتر علاقوں میں آوارہ کتوں کا راج .
تفصیلات کے مطابق میرپورخاص لالچند باغ میں آوارہ کتے نے لالچند باغ کے رہائشی محمد ابراہیم کو جسم کے مختلف حصوں پر کاٹ کر شدید زخمی کردیا، واضح رہے کہ شہر میں آوارہ کتوں کے غول میرپورخاص کے ریلوے اسٹیشن کے گرد گھومتے پھرتے نظر آتے ہیں اور شہر کے اہم شاہراہوں سڑکوں اور گلیوں میں علاقہ مکینوں پر حملے کرنا ،کاٹنا روز کا معمول بن گیا ہے جبکہ میونسپل کارپوریشن میرپورخاص کی جانب سے کتوں کو مارنے کی مہم اب تک شروع نہیں کی گئی ہے، شہریوں نے میئر و ڈپٹی میئر میرپورخاص سے شہر میں آوارہ کتوں کے عذاب سے جان چھڑانے کا پرزور مطالبہ کیا ہے