واشنگٹن: شہزادہ ہیری اور میگھن مارکل 2025 میں دیوالیہ ہو سکتے ہیں، ان کی اس وقت کوئی خاطر خواہ آمدنی نہیں ہے۔
باغی ٹی وی: نیوز 18 کے مطابق شہزادہ ہیری اور میگھن مارکل نے 2020 میں شاہی ذمہ داریوں سے دستبرداری کے بعد سٹریمنگ کمپنی نیٹ فلکس کے ساتھ 80 ملین پاؤنڈز کا معاہدہ کیا تھا لیکن حالیہ اطلاعات کے مطابق ان کے مالی معاملات کے حوالے سے تشویش پیدا ہو رہی ہے شہزادہ ہیری اور میگھن مارکل کے مالی معاملات پر یہ خبریں ان کے مستقبل کے منصوبوں کے حوالے سے کئی سوالات کو جنم دے رہی ہیں۔
نیوز 18 کے مطابق نیٹ فلکس کے ساتھ ان کا معاہدہ اپنی مدت کے اختتام کے قریب ہے اب تک اس معاہدے کے تحت جو چار پروجیکٹس ریلیز ہوئے ہیں ان میں "پولو”، "ہارٹ آف انویکٹس”، "لائیو ٹو لیڈ” اور "ہیری اینڈ میگھن ڈاکیومینٹری سیریز” شامل ہیں، میگھن مارکل کا کنگ شو بھی 2025 میں متوقع ہے۔
کراچی میں تنگوانی کا رہائشی قتل، گاؤں میں سوگ کی فضا
شاہی تجزیہ کار رچرڈ فٹزویلیمز نے خبردار کیا ہے کہ نیٹ فلکس کے ساتھ معاہدے کی تجدید ان کے لیے انتہائی اہمیت کی حامل ہے۔ انہوں نے جی بی نیوز سے گفتگو کرتے ہوئے کہا "ان کا کام کو الگ الگ کرنے کا طریقہ کامیاب ثابت ہوا ہے، لیکن اصل ضرورت یہ ہے کہ میگھن کا ککنگ شو نیٹ فلکس پر ہٹ ہو، نیٹ فلکس کے ساتھ معاہدے کی تجدید اگلے سال کے لیے نہایت ضروری ہے، اور آنے والے چند ماہ ان کے مالی معاملات کے لیے فیصلہ کن ہوں گے۔”
ملک میں سونے کی فی تولہ قیمت میں اضافہ
انہوں نے مزید کہا ” شاہی جوڑے نے کچھ عرصہ پہلے سپاٹیفائی کا معاہدہ کھو دیا تھا، اور ایسا کچھ خاص نظر نہیں آ رہا جو ان کی مالی حالت کو بہتر کرے جب امریکن رویرا آرچرڈ اور میگھن کا ککنگ شو ریلیز ہوگا، تو یہ ان کے لیے بہتر ثابت ہو سکتا ہے۔”
ہانیہ عامر کی امریکا میں ایونٹ سے نکالنے جانے پر وضاحت
