خانقاہ ڈوگراں : بہترین کارکردگی پر تصور حسین کھوکھر کو تعریفی اسناد اور نقد کیش سے نوازاگیا

باغی ٹی وی ،خانقاہ ڈوگراں (علی رضا رانجھا) بہترین کارکردگی پر خانقاہ ڈوگراں کے سپوت تصور حسین کھوکھر کو ایس پی سی آئی اے عاصم افتخار نے تعریفی اسناد اور نقد کیش سے نوازا۔ ایسے نوجوان محکمے کے ماتھے کے جھومر ہیں۔ فاروق اصغر اعوان۔
تفصیلات کے مطابق سی ائی اے افس میں سالانہ کارکردگی ایوارڈ کی ایک تقریب کا اہتمام کیا گیا ۔تقریب کے مہمان خصوصی ایس پی سی آئی اے عاصم افتخار تھے۔بہترین کارکردگی پر خانقاہ ڈوگراں کے سپوت تصور حسین کھوکھر کو تعریفی اسناد اور نقد کیش ایوارڈ سے نوازا گیا۔اس موقع پر ڈی ایس پی سی آئی اے فارق اصغراعوان بھی موجود تھے۔ تقریب سے خطاب کرتے ہوئے مقررین کا کہنا تھا کہ تصور حسین کھوکھر جیسے جوان محکمہ پولیس کے ماتھے کے جھومر ہیں جس سے دیگر جوانوں کو سبق سیکھنا چاہئے۔نوکری تو سب نے کرنی ہے مگر تصور حسین کھوکھر جیسے دلیر اور محکمہ کا فخر بن کر کریں تو محکمہ بھی ایسے جوانوں کے پیچھے کھڑا ہوتا ہے۔ انکا مزید کہنا تھا کہ شیر کی ایک دن کی زندگی گیدڑ کی سو سالہ زندگی سے کہیں بہتر ہے۔ تصور حسین کھوکھر نے اپنے اعلی افسران کا شکریہ ادا کرتے ہوئے کہا کہ جب ہمارے پیچھے اپ جیسے ایماندار اور نڈر افسر کھڑے ہوں تو رزلٹ بھی شاندار ہوتے ہیں ایسے نتائج اپ کے ہی مرہون منت ہیں۔