اسپین میں کمپیوٹر سسٹم میں اچانک تکنیکی خرابی کے باعث ہائی اسپیڈ ٹرینوں کا نظام بری طرح متاثر ہوا، جس کے نتیجے میں درجنوں ٹرینوں کی آمد و رفت میں کئی گھنٹوں کی تاخیر ہوئی۔
خبر ایجنسیوں کے مطابق یہ خرابی ریلوے کے مرکزی نیٹ ورک میں پیش آئی جس نے ٹرینوں کی شیڈولنگ اور ٹریکنگ سسٹم کو مفلوج کر دیا۔ اس دوران ٹرین آپریٹرز کو گاڑیوں کی نقل و حرکت کو دستی طور پر کنٹرول کرنا پڑا، جس کے باعث ٹرین سروس جزوی طور پر معطل رہی۔میڈرڈ کے مرکزی اسٹیشن پر بڑی تعداد میں مسافر پھنسے رہے، جنہوں نے انتظامیہ پر تنقید کرتے ہوئے کہا کہ نہ انہیں بروقت اطلاع دی گئی اور نہ ہی کوئی متبادل سفری سہولت فراہم کی گئی۔
ریلوے حکام کے مطابق تکنیکی ٹیم نے فوری طور پر سسٹم کی بحالی کا عمل شروع کر دیا ہے اور زیادہ تر خدمات بحال ہو چکی ہیں، تاہم مکمل نظام کی بحالی میں مزید وقت لگ سکتا ہے۔واضح رہے کہ اسپین کی ہائی اسپیڈ ٹرین سروس دنیا کی تیز ترین اور منظم ریلوے سروسز میں شمار ہوتی ہے، جہاں معمولی خرابی بھی بڑے پیمانے پر اثر ڈال سکتی ہے۔
بھارتی ڈیمز میں پانی کی سطح میں اضافہ، مزید پانی آنے کا خدشہ
اندرونی اختلافات،سنی اتحاد کونسل کے 26 اراکین نے استعفیٰ نہیں دیا، فہرست منظرعام پر
حماس کی جامع جنگ بندی کی پیشکش، اسرائیل نے مسترد کر دی
پنجاب کے دریاؤں میں طغیانی، پی ڈی ایم اے نے شہریوں کو خبردار کر دیا
