تنگوانی،باغی ٹی وی (نامہ نگار)بھتہ نہ دینے پر ڈاکوؤں کاپرائیویٹ سکول پردھاوا،اساتذہ پرتشدد،اساتذہ اور طلباء کواغواء کی کوشش
تنگوانی کے حرا پبلک اسکول میں مسلح افراد کا حملہ ، اسکول کے مالک منصور بلوچ پر تشدد، سکول کے طلباء کو اغوا کرنے کی کوشش کی گئی ،سکول میں موجود اساتذہ کی مزاحمت اور تنگوانی تھانے کواطلاع دینے پر مسلح افراد نےفرار ہو نے کی کوشش پولیس نے دو افراد کو گرفتار کرلیا ۔
حراپبلک سکول کے مالک منصور بلوچ نے کہا کہ مسلح افراد مجھ سے بھتہ مانگتے ہیں، نہ دینے پر انہوں نے اسکول پر حملہ کر دیا ہے ہرا پبلک سکول کا اونر ہوں اور بچوں کو تعلیم دینے کے لیے کوشاں ہوں ۔
منصور بلوچ کا کہنا تھاکہ سکول پر ہونے والے حملے کی وجہ سے طلباء خوف زدہ ہوگئے ہیں،میں ضلعی انتظامیہ سے اپیل کرتا ہوں کہ سکول کیلئےسیکیورٹی دے کرتحفظ فراہم کیا جائے ، مسلح افراد کے خلاف بھرپورقانونی کارروائی عمل میں لائی جائے
دوسری طرف تنگوانی پولیس نے گرفتار ملزم چھوڑ دئے،مسلح افراد کی طرف سے سنگین نتائج کی دھمکیاں،ایس ایس پی کشمور نوٹس لیں
