خاتون کو جنسی طور پر ہراساں کرنے میں ملوث ملزم گرفتار

باغی ٹی وی کی رپورٹ کے مطابق ایف آئی اے کی جرائم پیشہ عناصر کیخلاف کاروائیاں جاری ہیں

ایف آئی اے سائبرکرائم سرکل سکھر کی کارروائی ،خاتون کو جنسی طور پر ہراساں کرنے میں ملوث ملزم کو گرفتار کر لیا۔
ملزم اسامہ مقصود نے ورغلا کر متاثرہ خاتون کی ویڈیوز ریکارڈ کیں۔ملزم نے ریکارڈ کردہ ویڈیوز اہل خانہ کو بھی بھیجی۔ملزم گزشتہ کئی ماہ سے قابل اعتراض ویڈیوزکی آڑ میں متاثرہ کو بلیک میل کر رہا تھا۔ملزم کو سکھر بس سٹینڈ سے گرفتار کیا گیا۔ملزم کا تعلق سیالکوٹ سے ہے۔ابتدائی تفتیش کے مطابق ملزم کے موبائل سے واٹس ایپ اکاونٹ اور قابل اعتراض ڈیٹا برآمد کر لیا گیا۔ملزم کے موبائل کو قبضے میں لے کر فرانزک کے لئے بھجوا دیا گیا۔ ملزم کے خلاف پیکا ایکٹ کے تحت مقدمہ درج کر لیا گیا۔ مقدمے کی تفتیش جاری ہے۔

دوسری جانب ایف آئی اے کمرشل بینکنگ سرکل پشاور کی بڑی کارروائی ،حوالہ ہنڈی اور کرنسی کی غیر قانونی ایکسچینج میں ملوث ملزم گرفتار کر لیا گیا، ملزم نعمان کو پشاور کے علاقے چوک یادگار سے گرفتار کیا گیا ،چھاپے کے دوران ملزم کے قبضے سے 1 لاکھ 60 ہزار 9 سو ساوتھ افریقن رینڈ برآمد کر لئے گئے ملزم کے قبضے سے 40 ہزار روپے بھی برآمد کر لئے گئے۔ ملزم برآمد ہونے والی کرنسی کے حوالے سے حکام کو مطمئن نہ کر سکا۔ ملزم کے موبائل فونز سے ہنڈی حوالہ سے متعلق مواد بھی برآمد کر لیا گیا۔ ملزم کے خلاف فارن ایکسچینج ریگولیشن ایکٹ کے تحت مقدمہ درج کر کے تفتیش کا آغاز کر دیا گیا۔ ڈائریکٹر کے پی زون نثار احمد خان اور ڈپٹی ڈائریکٹر کمرشل بینکنگ سرکل پشاور افضل خان نیازی نے ٹیم کی کاوشوں کوسراہا۔

سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

میں نے صدر عارف علوی کا انٹرویو کیا، ان سے میرا جھوٹا افیئر بنا دیا گیا،غریدہ فاروقی