ہم اس ملک میں غلامی کی زندگی گزار رہے ہیں، مولانا فضل الرحمان

سکھر: جے یو آئی ف کے سربراہ مولانا فضل الرحمان نے کہا ہےکہ ا سٹبلشمنٹ سمیت تمام مفاد پرستوں کو کہنا چاہتا ہوں کہ ہم پاکستان درست سمت میں لے کر جائیں گے-

باغی ٹی وی : باب الاسلام سندھ کانفرنس سےخطاب کرتے ہوئے مولانا فضل الرحمان نے کہا کہ کیا ہم لااللہ الہ پر پورا اترے ہیں، وردی پہن کر سونے کے ڈنڈے لہرا کر سمجھتے ہیں کہ پاکستان کو خوبصورت وطن بناسکیں گےا سٹبلشمنٹ سمیت تمام مفاد پرستوں کو کہنا چاہتا ہوں کہ ہم پاکستان درست سمت میں لے کر جائیں گے،قوموں کے وسائل پر قبضہ کیا جارہا ہے،حقوق سلب ہورہے ہیں، ہمارا نعرہ یہ ہی ہے کہ سندھ کے حقوق پر سندھیوں کا حق ہے ۔

انہوں نے کہا کہ تاریخی اجتماع پر سندھ کی عوام پر فخر کرتا ہوں،جب بھی آواز دی،آپ نے لیبک کہا، اگر سندھ کے وسائل پر قبضہ کیا گیا تو تحریک اٹھے گی ، ہر صوبے کے وسائل پر وہاں کے عوام کا حق ہے، یہ حق ہر کسی کو تسلیم کرنا ہوگا ، تم نے دھاندلی کی جے یو آئی کے ساتھ ظلم کیا گیا ، ہماری قومی اسبملی میں سیٹیں کم کی گئیں ، پاکستان کو انارکی کی طرف دھکیلا جارہا ہے ،ہم اس ملک میں غلامی کی زندگی گزار رہے ہیں، یہ ملک ہمارا ہے، 77 سال سے جو قوتیں پاکستان پر مسلط ہیں انہیں گریبان میں جھانکنا چاہئے۔