ہمارے یہاں بھارت سے زیادہ باصلاحیت فنکار موجود ہیں فیصل جاوید خان

پی ٹی آئی کے رہنما سینیٹر فیصل جاوید خان کا کہنا ہے کہ ہمارے یہاں بھارت سے زیادہ باصلاحیت فنکار موجود ہیں-

باغی ٹی وی : پی ٹی آئی کے رہنما سینیٹر فیصل جاوید خان اداکار ہمایوں سعید کے ہمراہ وسیم بادامی کے شو میں شریک ہوئے وسیم بادامی نے شو کے دوران سوالات پوچھے جن کے انہوں نے دلچسپ جواب دیئے-

شو کے دوران وسیم بادامی نے سینیٹر فیصل جاویدخان سے سوال پوچھا کیا ہماری فلم انڈسٹری میں بھارت سے زیادہ ٹیلنٹ ہے؟ اس سوال کے جواب میں فیصل جاوید خان نے کہا جی بالکل ہمارے یہاں بھارت سے زیادہ باصلاحیت فنکار موجود ہیں۔

کیا ہماری ڈراما انڈسٹری ہماری فلم انڈسٹری سے زیادہ آگے ہے؟ وسیم بادامی کے اس سوال کے جواب میں سینیٹر فیصل جاوید خان نے کہا یہ بات بالکل صحیح ہے ہماری ڈراما انڈسٹری فلم انڈسٹری سے زیادہ آگے ہے۔

جبکہ وسیم بادامی نے ہمایوں سعید سے پوچھا کہ ترک ڈرامے آنے سے ہماری انڈسٹری متاثر ہوئی ہے کیا یہ بات غلط ہے؟ اس سوال کے جواب میں ہمایوں سعید نے کہا ہمارے یہاں ترک ڈرامے آنے چاہئیں۔

وسیم بادامی نے پوچھا ایسا کہا جاتا ہے کہ ترک ڈرامے آنے سے ہمارے فنکار بے روزگار ہوتے ہیں کیا یہ صحیح ہے؟ اس سوال پر ہمایوں سعید نے کہا ایسا کچھ نہیں ہے کوئی بھی فنکار بے روز گار نہیں ہوتا ہمارے یہاں ماشااللہ بہت کام ہے۔

ہمایوں سعید نے اپنی بات کی وضاحت کرتے ہوئے کہا کہ ہمارے یہاں ترک ڈرامے اتنے زیادہ آئیں گے ہی نہیں کہ ہمارا مقامی ٹیلنٹ متاثر ہو۔

یہ بات غلط ہے کہ ترک ڈراموں سے ہماری انڈسٹری متاثر ہوئی ہے ہمایوں سعید